Friday, November 23, 2007

عبقريات الامام خالد امام عن مسا التماسى واشياء اخرى

عبقريات الامام خالد امام عن مسا التماسى واشياء اخرى
لم تسعفنى الكلمات للتعليق على ما كتبه "المجاهد العظيم " خالد امام رئيس تحرير صحيفة المساء اليومية الصادرة عن قلم مراسلات لاظوغلى فى مؤسسة الجمهورية الغراء .. احتفالا بتحرير النقابة من الكفار والارهابيين ..فما كتبه يخرج عن اطار كل انواع الكتابة الحكومية الهزلية والامنية وحتى البدنجانية منها ويدخل بنا الى عوالم جديدة من الكتابة لا هزلية ولا امنية ولا مهلبية ولا حتى ملوخية - عوان بين ذلك جميعا - لدرجة تعجزك عن التعامل معها او توصيفها او تقديرها حق قدرها فلا هى صادرة من لاظوغلى - تبت ايديهم ان تاتى مثلها مهما استفحلت قدراتهم الامنية - ولا هى معبرة عن فكر معين - تب الفكر أن يقترب من رأس عظيمة كرأس خالد بتنجان عفوا خالد امام - يقول خالد سميي للأسف فى عبقرياته الصادرة عن جريدة مسا التماسى يا قمر:
"نجح الصحافيون بإرادتهم الحرة وباختياراتهم المحايدة والوطنية في أن يحرروا نقابتهم إلي حد كبير ممن احتلوا كل حجرة فيها، من الدور الأول حتي الاخير.
كانت لديهم رغبة قوية وجارفة في أن يستردوا النقابة ممن اغتصبوها سنوات وسنوات، وحولوها إلي أوكار لتياراتهم الهدامة التي تحارب كل شيء وترفض أي شيء، لمجرد الحرب والرفض، جاء الرجل المناسب في المكان المناسب، واخترنا نقيبا تتوافر فيه كل صفات المنصب.
واخترنا مجلسا متوازنا تغلب عليه المهنية ويمثل كافة التيارات، لا هو شرقي ممجوج ولا هو غربي مرفوض، مجلسا ليبراليا لا تتحكم فيه الذقون التي تريد هدم المعبد علي من فيه ولا العلمانية المفرطة التي تتشيع للا دين وتنخر كالسوس في القواعد الراسخة للمجتمع بانحلالها واستهتارها.
وإذا كنا قد حررنا النقابة كمبني وبيت لكل الصحافيين، فالواجب علي النقيب والمجلس أن ينعوا أي تجاوز فيه، مثل المؤتمرات المشبوهة، والاعتصامات اللامنطقية، واجتماعات التهييج والإثارة وغير ذلك، وإلا كان التحرير ناقصا أو شكليا، وآن الأوان للنقيب ومعه الأغلبية بالمجلس أن يحرروا سلم النقابة ممن يحتلونه ويجعرون عليه بالميكروفونات أو يبيعون من فوق درجاته الخضار والفاكهة!! عيب جدا أن تضم النقابة زملاء من هذه النوعية أو تلك تحت أي ذريعة كانت.
وهكذا يا إخواني نحمد الله عز وجل أن بدأت مسيرة التحرير، فحررنا جزءا، والباقي في الطريق، اتباعا لسياسة الرئيس التونسي الراحل الحبيب بورقيبة التي بدأها، وهي خذ، وطالب، المهم اننا تخلصنا من أصحاب اللحي ومن الكفار من زملائنا وبقيت السلالم وباعة الخضار
."
فهل رأيتم كتابة كهذه ..هل رأيتم ابداعا مثله ...هل رأيتم كيف تفوق امام على رفقاء دربه من كتبة التقارير فى صحافة الحكومة الحرة والتى رغم تحررها لا تأنف ان تأكل بثدييها ورجلها بل وكل حتة فى جسمها .. فهذا جزء من حريتها .. و على راى المثل " ان تابت - المسا - هجصت وان عميت اكيد مش هتقدر تعمل اللى عمله خالد فى نفسه "
ورغم تفاهة وتهافت ما كتبه فضيلة الامام الاكبروالصحفى الاعظم.. و رغم ان ما كتبه يتجاوز فعل الكتابة الى اشياء اخرى .. و لا يرقى حتى الى فصيلة اللمم من القول .. فان هذا لن يمنعنى من توجيه دعوة الى كل الصحفيين لحملة توقيعات تطالب بتحويله الى تحقيق امام نقابة الصحفيين جزاء على ما اتته - مش عارف اى حته فيه اللى اتت الكلام ده - مشوها ايديه.. ليس فقط لانها ليست كتابة مما يستوجب النظر فيمن منحه العضوية فى النقابة ولكن ايضا لتكفيره زملاء فى النقابة واتهامه زملاء اخرين بالارهاب عسى ان يكون هذا الطلب مقياسا لطريقة تعامل مجلس النقابة الجديد مع قضايا الصحفيين باعتباره قادما كما يقولون للانتصار للمهنة وتفعيل ميثاق الشرف الصحفى والا فليصمتوا او ينشغلوا باى شيء اخر
حقا انها ليست كتابة ولكنها ايضا لا ترقى ان تكون اشياء اخرى
.

Saturday, October 6, 2007

عن الصحافة والاحتجاب واصدقائى .. واشياء اخرى

عن الصحافة والاحتجاب واصدقائى ..واشياء اخرى

امبارح كنت عايز اكتب عن ازمة الصحافة وما عرفتش ..يا ترى اكتب عن ايه ولا ايه ..
خيبتنا احنا كصحفيين ولا خيبة النظام دا لو كان خايب ..على الاقل هو بيعرف ينفذ اهدافه واحنا مش عارفين ..دايما بنلعب فى الوقت الضايع ودايما بتحركنا حاجات تانية ..انا مثلا مش هنسى حكاية قانون الحبس ومش هنسى ان بتوع النقابة ..واحنا كلنا.. كنا بنتحرك فى اللحظات الاخيرة
ومش عارف ليه حاسس ان الازمة الاخيرة اللى بيحركها مصالح انتخابية باعتبار الانتخابات بقت على الابواب ..وكله دلوقتى بيزايد على كله انا مش قصدى طبعا اهد ( وحدة الصف الصحفى ) - حلوة دى مش كده - زى ما كتير هيتهمونى ولا قصدى اضرب كرسى فى الكلوب بس دى مشاعرى وعارف ان اللى هيقروها 30 ولا 40 واحد من صحابى
يعنى الاسبوع اللى فات المعركة الصحفية الاساسية كانت معركة احتجاب الصحف .. ومشكلتى الرئيسية ما كانتش مين يكسب المهم ان يبقى فيه موقف موحد لصالح الصحفيين وحريتهم بس اللى انا شفته كانت خناقات.. جانب كبير منها وراه مصالح تانية..وكل طرف من الاطراف بتحركه حاجات تانيه غير مصالح الصحفيين .. اللى عاوز يرضى الحكومة من غير ميزعل الصحفيين واللى بيسخن الجو علشان يبقى هو المناضل السيخ ..وف وسط كل ده كان الناس اللى بيدافعوا عن موقف حقيقى قليلين ..لو مش مصدقينى راجعوا بس تصريحات كل الاطراف هتلاقوا التلسين على الاطراف التانية اكبر كتير من محاولة حل الازمة
مثلا انا فى معركة الاحتجاب دى اعرف ان اطراف من اللى بيتصدروا ليها همه فى الاساس ضدها بس الوقت مش مناسب يقولوا ده واعرف ان اللى بيحرك جانب كبير من اصحاب الموقف التانى مش عقلانية مزعومه وانما مصالح شخصية
ووسط كل دول كان يهمنى ان يبقى فيه موقف صحفى موحد
فيه دفاع حقيقى عن مصالح الصحفيين وحقوقهم
فيه موقف مخطط يستمر و ما ينتهيش مع نهاية الانتخابات ولا مع تنازل الحكومة عن القضايا الاخيرة
احنا محتاجين خطة حقيقة لمواجهة الحبس
محتاجين ما نكونش معركة بيديرها النظام فى الوقت اللى هو عاوزه ...علشان يشغلنا عن حاجة تانية بيدبرها لنا..
محتاجين نخرج من الخطة اللى دايما بتنتهى ب سوبرمان جاى من بره يحل الازمة اللى هو ولعها وينسينا ازمتنا الحقيقة
وبعدين ترجع ريما لعادتها القديمة
الغريبة اننا لو بصينا على معركة الصحفيين من القانون 93 ومن قبله ولغاية دلوقتى هنلاقى معركتنا الاساسية هى الحبس.. وفى كل مرة الازمة تولع ونخرج نهتف والنظام يصعدها ويحولها لقضية تانية وفى اللحظة الاخيرة يحلها .. واحنا نخرج نهتف باننا انتصرنا فى معركة حرية الصحافة ..يا اخى .. ولا بلاش قباحه
نفسى الاقى نفس الموقف لما صحفى صغير يتحبس تعرفوا الغريب فى الازمة الاخيرة انه يقولك صدر حكم بحبس انور الهوارى رئيس تحرير الوفد واتنين صحفيين من غير حد ما يجيب اسمهم ولا حتى يفتكرهم ..نفس الموقف حصل فى قضايا كتير
ونفسى الاقى نفس الموقف دفاعا عن حق الصحفيين الحقيقين فى دخول النقابة لانهم صحفيين مش لانهم معينيين
ونفسى الاقى نفس الموقف دفاعا عن سرقة حقوق الصحفيين وسرقة جهدهم ومرتباتهم
نفسى نتجمع كلنا على اجندة واحدة ضد الحبس وضد انتهاك حقوق الصحفيين الصغار قبل الكبار
لان الكبار دايما هيلاقوا مصر كلها واقفة وراهم ..ما هى يغمة وباب للشهرة
انا مثلا عمرى ما سمعت ان نقيب المحامين تدخل للدفاع عن صحفى صغير ولا حتى مش مشهور يبقى دا موقف حقيقى ولا نفاق اجتماعى ..وعمرى ما لقيت النقابة اتجمعت علشان انتهاك حقوق الصحفيين بل بالعكس فيه اعضاء فى مجلس النقابة نفسهم بيعملوا دا
عاوزين معركتنا الرئيسية تبقى الصحافة
عاوزينها معركة كل الصحفيين مش بس معركة الكبار
لو المسألة شخصية فانا فى القضية الاخيرة دى اللى يخصنى بشكل شخصى هو ابراهيم عيسى لاننا كلنا عيش وملح مع بعض رغم اختلافى معاه
بس الحكاية مش شخصية ومش عيش وملح .. الحكاية اكبر من كده وساعتها يمكن بعض الاطراف يتحولوا لضحايا ومتهمين فى نفس الوقت
عاوزين اجندة صحفية حقيقية
وعاوزين نقابة بجد
وعاوزين نتلم حوالين قضية حقيقية مش همبكه ودعاية انتخابية
عاوزين الاحتجاب يبقى البداية مش النهاية
ويبقى معمول بصدق مش دعاية وادعاء ومشى فى الهوجة ..
وكمان عاوزين نعرف خطوتنا الجاية ايه
هامش:
للمرة الالف اشعربالتقصير فى الكتابة عن احداث كثيرة
كنت اود ان اكتب عن معركة اسطوات المحلة
كنت اريد ان اكتب عن زبانية مبارك
وكلاب العادلى الذين اطلقهم علينا
كنت اريد ان اكتب عن سخونة اول لقاء جمعنى ب شادى عيسى بعد عام من الغيبة واندفاعى نحوه واندفاعه نحوى
كنت اريد ان اكتب عن تقصيرى فى حق زوجنى وبيتى
و عن حلم مجهض وتجربة لم تتم
كنت اريد ان اكتب للمرة الالف عن دعاة اليسار واكلى حقوق الصغار تحت مزاعم الشعارات الوهمية
وعن باعة المبادىء
عن كثير وكثير
عن تقصيرى فى حق اصدقائى فى البديل والدستور ..عن اسامة سلامة ومحمد جمال
كنت اود ان اعتذر لوائل عباس عن انشغالى عنه
ومينا ذكرى عن ضرب موعد افطاره لانى كنت مصر على الذهاب اليه انا وعائلتى جماعة.. فلم ندرك افطاره ولا افطرنا
ولنوارة نجم الف سلامة على نجم دون ان ازعجها وازعجه
ول ابراهيم عيسى شد حيلك ولا تنسى حقوق من حولك
كنت اود ان اقول لزوجتى انى احبها حقا
وللصحافة انى اعشقها والعنها فى الوقت نفسه واتمنى ان يقدرنى الله واتركها

Tuesday, October 2, 2007

محمد الدرينى واحمد



محمد الدرينى واحمد


الان فقط احس اننى مدفوع للكتابة على هذه المدونة ..الان فقط لكن الكلمات تأبى ان تخرج فانا لا اجيد كتابة المراثى.. فماذا لو كان المرثى والراثى شخص واحد ..

عندما اعتقلوا محمد الدرينى كان اول خاطر طرأ لى اننى انا الذى اعتقلت .. فالرجل نفسه هو الذى انزلنى هذه المنزلة كان يحدثنى دوما عن موقع احمد منى ومنه.. كنت احبه واحترمه وهو يبادلنى نفس المشاعر رغم اننا كنا نتصارع على محبة ابن واحد هو احمد الدرينى

احب احمد محبتى لعلى ابنى و"على الامام" لكن عند الكتابة عنه اجدنى عاجزا رغم انه امطرنى ويمطرنى يوميا بوابل من مشاعره وكلماته

احمد هو صديق فى مرتبة الابن هو اول عنقود الاحبة فى الصحافة مثلما هو اول عنقود ابوه فكيف اكتب عن اعتقال الدرينى الكبير كيف لى ان اكتب عن رجل هو فى منزلة النفس منى لاننا تجمعنا على ابوة ابن واحد هو احمد

الكلمات تقف عاجزة لا تكاد تبارح رأسى حتى تفر منى ..كنت انا خلال الشهر الماضى الذى اهرب منها لفرط مشاغلى كنت اريد انا اكتب عن عمال المحلة وانتصارهم ..عن التعذيب وكلاب الداخلية..عن التوريث وازمة الصحافة ..عن ابراهيم عيسى وقضاياه .. لكننى كنت اجدنى مكتفيا بما افعله من خلال البديل كنت دوما احاول تبرير تقصيرى بانشغالى لكنى هذه المرة لم احتمل السكوت فخانتنى الكتابة جزاءا وفاقا

لا املك الان الا ان انقل لكم مشاعر احمد ليلة اعتقال ابيه.. بعدها بساعة تحديدا ربما كنت انا اول الذين علموا او اول الذين حزنوا

اترككم مع احمد ومشاعره بينما اواصل انا مسيرة عجزى عن الكتابة


اعتذرا إلي أبي الذي اعتقلوه منذ قليل
دعني أعتذر إليك أبي فأنا الذي أخرت عزومتي لك علي الافطار في الخارج يوما إضافيا

لم أكن أعلم أن لأمن الدولة رأيا آخرا بشأن عزومتي لك علي الافطار خارج المنزل،كي نتحدث في بعض الأمور المهمة الخاصة بمستقبلي أعتذر إليك في محبسك..فأنا الذي أخرت الموعد يوما صدقني لم يخبرني أحد من أمن الدولة أنهم سيقبضون عليك الليلة ربما هي لفتة طيبة من العادلي ومبارك،خصوصا أن مخزون جيبي يحتضر..نهاية الشهر كما تعرف وأنا مسرف بالطبع

أعذرني عزيزي محمد الدريني، وادع لي من سجنك،فإنهم يقولون أن دعوة المظلوم لا ترد

أنا لا أخاف هذه المرة مثل المرات السابقة إذ أن الضباط_حسب شهادة الكثيريين_ لايعذبون الا بعد الإفطاروهو ما سيقلص من فترات الجلد والصعق الكهربائي وانت مدرب علي هذا منذ المرة السابقة..فلا تبتأس أبي فقط أستأذنك أن أخفي علي مازن الأمر فامتحان الشهر علي الابواب..وكما تعلم فإن الصف السادس الابتدائي يحتاج الي الكثير من التركيزفضلا عن المفاجأة التي كان بصدد إعدادها لك هذا الوغد الصغيرلقد رسم لك صورة كبيرة،بعدما اشتري من مصروفه مجموعة ألوان مائية جديدة كانت ستسرك كثيرا هذه الصورة لكن حتما سيأتي يوم ما تري فيه رسمة مازن وأتم عزومتي لك

حافظ علي صيامك في معتقلات الداخلية يارجل ولا تفكر في المنبهات والسجائروأنا بدوري سأدخر مبلغ العزومة إلي أن تخرج فقط لا تتأخر بالداخل فمازن سألني في الصباح:أين أبي فنظرت إليه مبتسما وقلت له كان هنا منذ قليل

Wednesday, September 5, 2007

ان تكون نفسك

ان تكون نفسك
سؤال يطاردنى به اصدقائى وزملائى خلال هذه الفترة - من واقع تجربة محدودة اعيشها ويعيشونها - لماذا اليسار دائما مرتبط بالافاقين والكذابين ومدعى النضال؟ ولماذا لا يجتمع اليساريون على هدف او على شىء نبيل رغم نبل المعانى التى يصدرونها للناس؟ وهل فكرة اصحابها بهذا السوء تستحق الانتماء اليها ؟هل يمكن ان يكون حملة لواء الحقيقة والدفاع عن الفقراء والكادحين افاقون ومستغلون؟ وهل يمكن ان يتحول كبار المفكرين الى منظرين للاستبداد والكذب لمجرد ان الله ادخلهم فى تجربة المصالح او لانهم لاول مرة فى حياتهم تعرضوا لاختباريتعلق بمساحة ذواتهم ؟
مجمل هذه الاسئلة والتى تتدافع على الالسنة - دون التفات لمحدودية التجربة ومحدودية اطرافها وعدم تعبيرها الا عن الواقع الذى نشئت فيه - ممكن ان نجمعها فى تساؤل واحد لماذا لا يكون دعاة اليسار على قدر مبادئهم ولماذا دائما يفشلون فى اختبارات الحقيقة والواقع؟وهل العيب فى الفكرة؟
الحقيقة ان اختزال اليسار فى بعض الاشخاص هو مكمن الخطأ فالحقيقة ان الافكار الجميلة والعظيمة لا يقوى على حملها الا اصحابها ودائما تكون فاضحة للادعياء وهذا هو مكمن صدقها فالكلمات الرنانه حتى ولو اعجبتكم لا تصنع يساريا وانما التجربة هى الكاشفة ..وساعتها ستكتشف الفرق بين احمد نبيل الهلالى وبين منظرى الغفلة ، بين من اصروا على خوض التجربة كاملة وطبقوها على انفسهم قبل غيرهم.. الهلالى وعريان نصيف ومحمد عراقى وعم على الصباغ وشحاته هارون وشاهندة مقلد وصلاح حسين و يوسف درويش وكمال خليل واسماء كثيرة لا يتسع المجال لذكرها نموذجا ، وبين اشخاص ملئوا الحياة ضجيجا وصراخا وفى اول اختبار حقيقى لمبادئهم سقطوا ..فهل سقوطهم يعنى ان الفكرة سقطت ام ان الفكرة من فرط صدقها لا تحتمل ان يحملها مدعون وافاقون او حتى من يحملون لواء الكلام حتى اذا ادخلهم الله فى التجربة سقطوا وفرطوا وكذبوا ملء افواهم يبتغون مرضاة الناس قبل رضا انفسهم ولو هلكت مبادىء طالما تغنوا بها دون امتلاكها..
فهل يمكن ان يشكل هؤلاء دليلا على عيب الفكرة ام هم تأكيد لفرط صدقها؟ فاليسارية ليست تجربة كلمات وشعارات حتى لو حمل لواءها اصحاب الكلمات الرنانة ورافعوا الشعارات بل هى تجربة الخائضين الحياة ،القابضين على جمر مبادئهم ، المطبقين لافكارهم على انفسهم قبل غيرهم ..هؤلاء هم دليل وجودها ، والاخرون تأكيد لصدقها بدليل انهم لم يحتملوها ففروا منها ولم تحتمل ادعائهم فلفظتهم..
التجربة تقول لا تستمعوا لرافعى شعارات النضال قبل ان يختبروا
والتجربة الاعمق تقول ان الاعتقال والسجن ليس دليلا وحده على الاخلاص للفكرة فالاخلاص لها ان تطبقها على نفسك قبل غيرك
ان تتماهى مع ما تقوله وتكون مستعدا لتطبيقه على نفسك قبل الاخرين فكم امتلئت السجون بافاقين ومخبرين وبحملة شعارات لم تختبر وفروا امامها قبل ان تطالهم وعندما دخلوا التجربة اختاروا انفسهم بل ونافقوا وكذبوا وادعوا وفى المقابل اوغلوا فى الزعيق والنهيق للمدارة على نكوصهم وعلى عوراتهم التى انكشفت..
الافكار الجميلة لا يقوى على حملها الا بشر حقيقين وهذا هو مكمن الخطر لانها دائما تكون عرضة للنيل منها عندما يلتف حولها المغرضون والباحثون عن مجد او مصلحة شخصية او دعاة النضال ووقت الاختبار لا يدرك الناس ان هؤلاء هم الساقطون وليست الفكرة التى ادعوا يوما انهم حملة مبادئها دون ان يختبروا فهم منذ البداية يتكلمون وفقط دون ان يختبروا ..
هذا ليس دفاع عن اليسار وانما دفاع عن اى فكرة انسانية تنشد العدل والحقيقة والمساواة عن اى تجربة انسانية تماهى اصحابها مع مبادئهم
عن اى حلم بعالم افضل يحمل لواءه بشر حقيقون مستعدون لدفع الثمن من ذواتهم ومستعدون لتطبيقه حتى ولو على انفسهم
دفاع عن حملة الافكار الحقيقين المستعدون لدفع ثمنها كاملا
عن الانبياء والصديقين
عن محمد والمسيح
عن على وعبد الناصر
عن ابو ذر وجيفارا
عن نبيل الهلالى وصلاح حسين
عن عصام العريان وعريان نصيف
عن ان تكون نفسك وان تتماهى مع افكارك حتى لو دفعت الثمن

Wednesday, August 29, 2007

عصام العريان و اخوانه.. عذرا تاخرت فى الكتابة عنكم


عصام العريان واخوانه

من فترة عاوز ادون ومش عارف.. كان نفسى اكتب عن عصام العريان يوم القبض عليه وما قدرتش
قد ايه بحب الرجل ده بس عمرى ما اتفقت مع جماعته
بحبه اكتر من عبد المنعم ابو الفتوح
عمرى ما خفت من عصام العريان بحس انه راجل واضح وعشان كده بحبه
بحب عبد المنعم ابو الفتوح كمان بس دا بقى باخاف منه
عبد المنعم ابو الفتوح بيعرف يلعب بالكلام وبيعرف يقول الكلمة بميت نغمه وصوت لكن برضه بحبه وباحترمه لكنى باحب عصام العريان اكتر
تعرفوا يوم ما اتقبض عليه كنت هاكلمه عشان اساله ليه منعوه من السفر وبعدين خليت حد تانى يكلمه وبعد ما اتقبض عليه زعلت قوى بس رجعت حمدت ربنا لانى كنت هاشيل ذنبه جوايا
ما هو مش كل ما اكلمه يتقبض عليه
كل ما حد من الاخوان يتقبض عليه بابقى عاوز اكتب اتضامن معاه
بس الواحد ساعتها يمكن يعوز يفتح مدونة تضامن مخصوص ليهم
ويخصص من وقته قيمة 24 ساعة فى اليوم تضامن
كنت عاوز اكتب عن خيرت الشاطر رغم ان اختلافى معاه يمكن يوصل لحد الرعب من افكاره
لكنى ما باخافش من عصام العريان
كنت بجد عاوز اكتب كتير عن حسن مالك
وعن كمان كل بسطا الاخوان المعتقلين اللى محدش بيسمع اسمهم
يوم ما خديجة مالك كانت فى نقابة الصحفيين اتمنيت لو كان ليا بنت تبقى فى قوتها
يومها رحت سلمت عليها واتمنيت ان ربنا يجمع شملها بابوها وكنت عاوز اقولها ان بجد حسن مالك عرف يربى لكنى مقدرتش غير انى اتمنى رجوعه لهم
عموما انا برضه باحب عصام العريان اكتر
ورغم انى عبد المنعم ابو الفتوح بيحاول يكون الوجه الاكثر انفتاحا من الاخوان لكنى بحب عصام العريان اكتر
بحس ان التضامن معاه مش واجب ولا بس قولة حق عند سلطان جائر
لا اكتر من كده
مش تعبير عن رفض لظلم انسان
ولا اعتراض واجب انما فرض عين عليا
حاسس انى باقول كلام ملخبط بس كمان
حاسس انى اتاخرت كتييير عن كتابة البوست ده .. المرة دى مش علشان خاطر عصام العريان لوحده لا كمان علشان خاطر كل الاخوان المعتقلين رغم ان اختلافى معهم يمكن يوصل لحد الخوف على البلد لو وصلوا للحكم
خوف على مستقبل ابنى بس دا ما يمنعش ان حقهم يكونوا موجودين وحقهم يوصلوا لو الناس اختارتهم
وحقى اخاف منهم بس احب عصام العريان
واحترم شجاعة وقوة خديجة مالك
ما اعرفش ابوها بس عرفته منها
وكمان اطالب بحقهم جميعا فى الحرية
الحرية للعريان ..الحرية للاخوان .. الشاطر ومالك
وكل المعتقلين اللى الفقر نسانا اساميهم

Friday, July 27, 2007

لا أشياء أملكها لتملكنى

لا اشياء أملكها لتملكنى
لا أدرى لماذا اقف عاجزا عن التدوين او اضافة اى جديد الى هذه المدونة.. فلما يقرب من شهر ظللت عاجزا عن ان اخط حرفا فيها باستثناء تدوينة ساخطة نشرتها ثم ما لبثت ان حفظتها فى مسوداتى انتظارا لوقت اخر ربما اجد انه الانسب لنشرها فيه دون ان اتهم بالتخلى عن حلم طالما راود كثيرين لكنه لم يعد حلمى ولم يعد لى فيه غير ان أؤدى واجبى ..ولأؤكد على قدرة جيل بعينه وحقه فى ان يكون له موطىء قدم فى حياة لن تقوم الا به ، بينما هم يظنون انفسهم روادها.. اظن ان الأمور لم تعد بعيدة، وان قرار النهاية لم يعد بعيدا ، وان جيل 19 حتى 24 اثبت مقدرته بشكل ما وان ارادوا له شىء آخر..ولو اضطرتهم الظروف اليه بوصفه الأرخص دون ان يدركوا انه الأفضل والأحق بالبقاء..
لا زال داخلى امل يراودنى فى ان ينعدل الحال ولو قليلا.. لكن هذا الأمل لن يشمل قرارا بالبقاء او الإستمرار، ربما صبرا قصيرا لكنى اترقب جولة اخرى فى ميدان اخر.. وهو ترقب سيظنه البعض مبكرا بينما اراه مؤجلا واسعى لتأجيله قدر الامكان..لكنه ابدا لن يطول كثيرا
تطاردنى هذه الأيام نصيحة طالما رددتها على اذنى ابنى وصديقى المقرب احمد الدرينى" كن فيها كأنك عابر سبيل.. ووطن نفسك على الرحيل وعش فيها كالمهاجر وليكن حاكمك فيها بيت رقيق لدرويش يقول فيه " لى حكمة المحكوم بالاعدام ..لا اشياء املكها لتملكنى ".. اما انا فلا مناصب او طموحات أملكها لتملكنى كل همى أن اصنع شيئا جميلا او ابحث عن موطىء قدم يضمن لى ذلك ..ويضمن لمن هم احق بالمستقبل والبقاء ان يحتلوه رغما عن انف المقاومين الكبار ..عليهم ان يدركوا انهم احق بمواقع الحكماء.. اما صدر المشهد فلن يكون الا لأصحابه.. واصحابه هم جيل ربما اقتربت أنا بأعوامى ال 35 على ان اكون خارجه الأن..
نصحنى اصدقائى بضم هذه التدوينه الى محفظتى لكنى لم ارد هذا، ولم انصع للنصيحة.. ترى هل اقترب الموعد وهل آن الأوان ؟ ربما ..

Monday, July 9, 2007

خيبة الصحافة التقليدية وعظمة المدونين


فى قضية احمد بدر: خيبة الصحافة وعظمة المدونين


لليوم الخامس على التوالى انتظر أن أرى خبرا فى جريدة مطبوعة عما حدث للزميل احمد بدر ولا أجده

لليوم الخامس على التوالى تتعامل الصحف المطبوعة مع أحد الصحفيين بمنطق" خليه يتأدب " رغم ان الإعتداء الذى تعرض له أحمد لا يخصه وحده فهو يخصنا جميعا كمواطنين ويخص الصحفيين على وجه التحديد فضابط الشرطة الذى اعتدى على أحمد كان يستهدف فيه صحافة مشاغبة اقلقتهم بدليل انه وجدها ذريعة لتفريغ غله فى كل الصحفيين معلنا للجميع اننا جميعا على جزمته وهذا ما قاله بالحرف

ولليوم الخامس على التوالى يثبت المدونون انهم الأحق بالاحترام بعد ان خاضوا وحدهم معركة الدفاع عن الصحافة المطبوعة رغم ان احدا لم يدعهم لذلك بينما تم توجيه الدعوة لجميع الصحف لحضور الوقفة التى نظمها أحمد وزملاؤه بالدستور لتقديم بلاغ بما تعرض له أحمد وتعرض له الصحفيون عند النائب العام بينما امتنعت نقابة الصحفيين ولجنة الحريات بها عن تقديم أى عون او مساعدة لأحمد حتى فى صورة بيان هزيل من البيانات المعتادة وكأن المساندة محجوزة لفئة دون غيرها من الصحفيين ..وهوما دفعنى لتصديق ما نقل عن أحد اعضاء المجلس القريبين من الدستور وانه قال عندما سمع ما حدث لأحمد " يلا خليه يتأدب " والمثير أن المدونين دخلوا على الخط بينما امتنعت جريدة احمد نفسها عن نشر أى خبر عنه بنفس المنطق السابق وهو" خليه يتأدب" لمجرد ان أحمد وزملائه اعترضوا على تأخر مرتباتهم ..

للمرة الألف يثبت المدونون انهم الأحق بالدفاع عنا فقضيتهم الحرية للجميع و لا تحكمهم مصالح شخصية و أهواء ولا ينصاعون لرئيس مجلس ادارة او يداهنون او يجاملون زميلا لهم ليؤكدوا للجميع انهم صحفيون افضل منا ومبدأيون أكثر منا ويا شماتة المدونين فى الصحافة الورقية ويا خيبتنا جميعا والمجد للمدونين واخلاقهم ولكل من ينتصر لحرية الآخرين دون خوف من رئيس أو ممالأة لصديق او استصغار لقيمة مظلوم..

عذرا أحمد بدر تأخرت عن مساندتك وأملى ان يتم تصحيح الخطأ بحقك لكن الحسابات هى التى انتصرت بينما دفعت انت الثمن بتهاوننا فى حقك..

مدونات تضامنت مع أحمد

مدونة عرباوي









Thursday, July 5, 2007

كان حلما من خيال فهوى

كان حلما من خيال فهوى
لا أدرى لماذا أصبحت محكوما بهذا البيت فى كل تجاربى؟ ولاأدرى لماذا يطاردنى كلما بدأت فى السعى لصناعة تجربة أظنها حقيقية؟
هل اصبحت حالما أكثر من اللازم أم أن الواقع ضاق عن استيعاب احلامى رغم صغرها وبساطتها؟! ام اننى عاجز عن صياغة حلم بحجم الواقع ..وهل ساعتها سيكون حلما ؟، أم انصياع لعالم ظالم كئيب يستكثر على الصغار- لا اتكلم عن نفسى - ان يأخذوا فرصتهم وان انصاعوا له..و يستكثر عليهم ان يحصلوا على حقوقهم ولو بمعاييره ؟
اكلما نهدت سفرجلة فتشت عن وطنى ؟
بيت آخر يطاردنى بعنف ..ابحث عن الوطن فى كل تفاصيله فلا أجده
فى قصة حب مكتملة ..فى تجربة تأبى أن تكتمل ..فى آنات حالم تسرب حلمه من بين أصابعه ..فى تفاصيل وطن يضيق حتى عن احتمال ابسط الأحلام ..فى اصرار المحيطين بك على جرك الى دائرة ذاتك الضيقة.. فى منعك ان تحلم لغيرك مثلما تحلم لنفسك ..فى اعتبار المطالبة بالحقوق تطاول أو تزيد
فى ان تجد ذاتك من خلال الأخرين وليس من خلال انشغالك بذاتك وحدك..
..وطن يضيق حتى ان يستوعب حلم اطفال صغار
او ان يستجيب لتجربة بحجم كف اليد
لماذا وسط ذلك اندفعت للتدوين ؟!ولماذا طوال الفترة الماضية كنت عاجزا عن خط حرف واحد فى هذه المدونة لا أدرى ؟
ربما اليأس ..ربما الضجر ؟ أم لأننى مصر على الحلم.. ومتمسك بالعيش فى عالمى الشخصى بكل اتساعه على أحلام الأخرين معى..ربما ايضا كان نوعا من الهبل .

Tuesday, June 5, 2007

قدر ايمن نور.. وقضاء مصر



قدر ايمن نور .. وقضاء مصر

لم يكن البيان الذى اصدره امس دكتور ايمن نور زعيم حزب الغد من محبسه والذى اعلن فيه براءته من الاستشكال الذى قدم باسمه امام محكمة جنايات القاهرة دائرة البساتين الا مجرد اعلان عن مرض اصاب النظام القضائى المصرى وكشف سافر لمدى تدخلات النظام فيه .. ففى اول تعليق له على الحكم الذى انتهى برفض الافراج الصحى عنه وما اشارت اليه المحكمة انه جاء عقب استشكال قدمه ايمن نور لوقف
تنفيذ الحكم الصادر ضده.. فجر نور مفاجأة مدوية عندما اعلن انه لم يتقدم هو او احد من اسرته او محاميه بأية استشكالات ولا صلة له بما عرض على الدائرة وان هناك من يسعى لاصطناع تنازع اختصاص ليجدد مبررا لعدم تنفيذ اى حكم يصدر عن مجلس الدولة لصالحه .. لكن ايمن او اى من افراد اسرته لم يشأ الاعلان عن هذه الجهة تاركا السؤال حائرا ؟
لكن الاجابة عن السؤال جاءت بشكل غير مباشر فى تصريحات صحفية لمصدر مسئول بمكتب النائب العام ونشرها موقع جريدة البديل فى نفس اليوم اعلن فيها تبرم سيادته من نظر محكمة القضاء الادارى للقضية وانها ليست جهة اختصاص فى اشارة ضمنية من النيابة بأنها اغلقت الابواب امام تنفيذ اى حكم بالافراج يصدر من القضاء الادارى
بيان ايمن وبيان النيابة يطرحان العديد من التساؤلات عمن يقف وراء هذا التلاعب ..وما حقيقة ما اعلنه نور ان الاستشكال المقدم باسمه لا يعرف عنه شىء ولم يسدد الرسم الخاص به ويبقى السؤال فى حالة صحة ما اعلنه نور من محبسه.. هل وصل التدخل فى شئون القضاء لهذا الشكل غير المسبوق لحد فبركة قضايا غير موجودة اصلا ؟ وهل سيطرة النظام على النيابة العامة _والتى اثبتتها العديد من الدراسات وتعب القضاة من المطالبة بانهائها كجزء من تحقيق استقلال السلطة القضائية - وصلت الى حد اصطناع قضايا باسماء اشخاص على غير الحقيقة ايا كانت طبيعة هؤلاء الاشخاص ؟ خاصة ان التفاصيل التى اوردها نور فى بيانه تحمل العديد
من المفارقات الاخرى وهى ان الدائرة التى نظرت القضية ليست هى المختصة بنظرها فالدعوى التى حبس على ذمتها هى الدعوى رقم 425 جنايات عابدين وبذلك تكون محكمة عابدين هى المختصة بنظر الاستشكال تطبيقا لنص المادة 524 من قانون الاجراءات والتى تنص على ان الاستشكالات على القضايا تنظر امام نفس الدائرة لكن ما تم انه تم تحويل القضية الى دائرة البساتين التى يرأسها المستشار عادل عبد السلام جمعه الذى اصدر الحكم بسجن ايمن نور وكأن المستشار جمعه اصبح قدر ايمن نور واصبح نور قدره ..ولا عزاء للعدالة

Monday, June 4, 2007

جمال عيد وقاضى المدونات

ضمن سلسلة قضايا قاضى المدونات ضده:
التحقيق مع جمال عيد غدا بنيابة شمال القاهرة بالعباسية
تحقق نيابة شمال القاهرة بمحكمة العباسية غدا الثلاثاء 5 يونيو مع جمال عيد مدير الشبكة العربية لحقوق الانسان فى القضية الثالثة - والله مش متأكد من العدد- التى اقامها القاضى عبد الفتاح مراد ضده هو والمدون عمرو غربية صاحب مدونة حوليات صاحب الاشجارعلى خلفية قيام القاضى المذكور بنقل اجزاء كاملة من تقرير الشبكة العربية لحقوق الانسان الاخير حول المدونين دون الاشارة لمصدرها وهو ما دفع مراد لاقامة دعوى قضائية طالب فيها باغلاق اكثرمن 50 مدونة وموقع حقوقى وصحفى بدعوى الاساءة لسمعة مصر لمجرد انها قامت بنشر اتهام الشبكة العربية الموثق له.. باعتبار ان الاساءة لسيادة القاضى اساءة لمصر - محدش يعمل حركات قبيحة - الغريب ان القاضى واصل اتهاماته لجمال عيد وقام بتقديم بلاغ جديد ضده بدعوى انه هو وعمرو غربية قاما بابتزازه وطلب 50 الف جنيه تعويضا منه وهو ما نفاه جمال وعمرو غربية- وانا اصدقهما بصراحة كده ومن غير تماحيك خاصة انها ليست الواقعه الأولى لسعادة المستشار- حيث كان قد اتهم جمال عيد برضه وعلاء ومنال بالاعتداء عليه فى المحكمة فى وقت كانت منال موجودة بعملها وطبعا كلنا نعرف ان منال بروحين و يبدو طبقا لبلاغ سعادة المستشار انها استخدمت واحدة منهما للاعتداءعليه بينما كانت تجلس بالاخرى فى عملها
اللافت ان النيابة كانت قد استمعت لاقوال عمرو غربية حول القضية يوم الخميس الماضى والتى اكد فيها عدم صحة الواقعة لكنها اصدرت قرارها بالافراج عنه بكفالة مائتى جنيه وهو ما اثار شكوكا حول القضية وموقف النيابة منها

Wednesday, May 30, 2007

دعوة لتبنى حملة للافراج عن جميع المعتقلين


الافراج عن عبد المنعم محمود وشباب الاخوان

.. عقبال ايمن نور وبقية المعتقلين


وصلنى الأن ان المحامى العام لنيابات القاهرة اصدر قرارا بألا وجه لإقامة الدعوى فى قضية عبد المنعم محمود وطلاب المعهد الفنى وهو مايعنى الإفراج عنهم فورا وتبقى الخطوات الأخيرة وكل املنا الا يتدخل امن الدولة لتعطيل اجراءات الإفراج
قرار المحامى العام يكشف بشكل لافت أهمية الضغوط التى مورست لاطلاق سراح منعم
ويؤكد على أهمية مثل هذه التحركات ومن هنا فليكن الافراج عن عبد المنعم محمود بداية لتبنى دعوة للافراج عن جميع المعتقلين فى السجون من جميع الاتجاهات وان تشمل هذه الدعوة جميع المدونات ويتم دعوة الصحف والمنظمات الأهلية ومنظمات حقوق الانسان لتبنيها ويمكن تجديد حملة الخمسين يوما للافراج عن جميع المعتقلين والتى سبق ان اطلقها عدد من النشطاء فى 2006 منهم د. هبة رؤوف والعبد لله وعدد من النشطاء من جميع الاتجاهات
مبروك لمنع ولطلاب المعهد وعقبال ايمن نور جميع المعتقلين وعقبال الافراج عن مصر من حكم ابو جمال وزبانيته

Tuesday, May 29, 2007

عبير الغريبة مش خايفة فى كندا


عبير تدون من كندا وتنعى ايميلها المسروق

تعلن عبير العسكرى من مقرها فى الأراضى الكندية (المقدسة )عن افتتاحها لمدونتها امس الأثنين 28 مايو والذى
واكب صدور مدونة عم الحاج احمد فؤاد نجم (الفاجومى ) وتهيب عبير بكل المهتمين بشئون المدونات ان يلتفتوا الى مدونتها الفيحاء باعتبارها سبق فى عالم التدوين وهى اذ تزف لكم نبأ افتتاح مدونتها السار- رضيتوا او غصب عنكم - فانها فى الوقت نفسه تنعى لكم من نفس المقر ببالغ الحزن والأسى نبأ سرقة ايميلهاabeer8@gmail.com , abeeralaskary@gmail.com ) وتخطركم انها لن تستقبل اية ايميلات عليه وهى فى الوقت نفسه غير مسئولة عن اية ايميلات تصلكم منه والمسئولية الكاملة تقع على الحرامى سواء كان فرد ابن (----) او جهة ما والعاقبة عندكم فى المدونات ولا اراكم الله مكروها فى ايميل لديكم
من ناحيتها فان مدونة البلشى تنتهز الفرصة لتهنئة عبير بدخولها الى عالم التدوين وفى الوقت نفسه( تصلح ساعات ) عفوا تعزيها فى ايميلها المفقود.. وايميل يفوت ولا حد يموت.. وشدى حيلك ياعبير والشدة على الله.. وكل الحاجات دى
ولا تنسى ان ترفعى رأسنا فى الأراضى الكندية

Friday, May 4, 2007

الداخلية تحيى الفرح الموازى وتمنع النشطاء

وبرضه مصر لأ

تم الغاء الفرح الموازى بعد ان اصرت الداخلية على المشاركة فيه بكل تقلها .. اشى عربيات امن مركزى وفرق كاراتيه وفرق بلطجية ومدرعات وعربيات ترحيلات لزوم ترحيل المعازيم لسجن طره ..وعربيات مطافى عشان يطفوا نار الفرحة المشعلله جوانا ..فقلنا ما دام جمال مبارك مش عايزينا نشارك فى فرحه نسيب الداخلية تحيى الفرح بمزاجها وعموما الف مبروك الجواز يا جيمى ..بس اذا كنت مقبلتش اننا نشاركك فرحك فاحنا مصرين نوصلك رسالتنا و برضه بنقولك
خديجة آه .. مصرلألألألألألألألألألأ

Thursday, May 3, 2007

خديجة آه .. مصر لأ 2


خديجة آه .. مصر لأ "2 "
متنسوش معادنا بكره الجمعة 4 مايو فى ميدان طلعت حرب هنعمل زى كل الناس مانصحونا ونفصل بين الشخصى والسياسى ونحتفل بفرح جيمى وديجا .. ازاى ما نفرحش وابن رئيسنا بيتجوز .. دا كفاية واحد من ال 13 مليون عانس الموجودين فى مصر انفك عقدتة.. صحيح تكاليف الهلمه اللى همه عمالينها للفرح كانت ممكن تفك عقدة يجى مليون واحد من اللى سابهم ابوه سيادة الرئيس بعد 26 سنة حكم و 79 سنة عمر _ ربنا يديله طولة العمر لغاية ما يبقوا العوانس 20 مليون _ لكن دا ما يمنعش اننا نفرح له ونهيصله ونزيط له ما هو شاب مصرى ومن حقه يتجوز زى كل الشباب
بس وسط ده واحنا بنجامله وشايلين صوانى الشربات من حقنا نقوله ..اننا مش عايزينك تحكمنا وان الجوازة دى لو كانت سكتك لوراثتنا واكمال الشكل الاجتماعى للتوريث زى ما الصحف الأجنبية قالت.. فإحنا بنقولك مبروك يا جيمى الجواز .. بس خديجة آه ومصرلأ .. وكفاية حكم ابوك فينا 26 سنة .. وندرن علينا فى عيد ميلاد السيد الوالد اللى بيواكب كمان مؤتمر العراق فى شرم الشيخ انه لو عملها وحل عن قفانا وسمانا وكل حاجة فيها آ نا لنزرغتلك 75 مليون زغروطة
ورقصنا يا جدع على اجمل اغانى الافراح
اغانى بس مفيش هتافات


وا سيبكو مع بروجرام الحفل زى ما عمله وائل عباس باعتبار انه فى امريكا ومش هيقدر ينقط

الجمعة4 مايوميدان طلعت حرب الساعة سته تعالوا على سنجة عشرة بس مش قوي علشان هدومكم ممكن تتكرمش من كتر الرقص مع الأمن المركزي والبلطجية وكل واحد نقوطه معاه ونقطولي معاكوا والنبي كل واحد ومقدرته اللي ينقط بوزارة واللي ينقط بشركة قطاع عام واللي ينقط بمصنع وحتى اللي عاوز ينقط بقرية سياحية صغننه مافيش مانع وقدم السبت تلاقي الحد والحدق يفهم

بروجرام الحفل مارشات عسكرية وقرآن إستعراض راقص للأمن المركزي إستعراض كاراتيه العاب نارية من الرصاص المطاطي والغازات المسيلة للدموع فقرة للراقصة الوطنية سنية تحرش مشروبات الحفل بيبر سبراي ومية مجاري وزارة الداخلية ترحب بالضيوف لقضاء ليلة على بورش خمس نجوم الانتقالات على حساب معسكر الدراسة للأمن المركزي في سيارات ترحيلات جديدة لانج بفلوس المعونة الأمريكية

Thursday, April 26, 2007

خديجة آه مصر لأ

خديجة آه مصر لأ
وصلنى الاقتراح الأتى من الزميل أسد بعمل فرح موازى لجمال مبارك يوم 4 مايو القادم تحت عنوان

خديجة أه مصر ل
أ

انا اعتقد انه اقتراح رائع ما رأيكم؟
هذا نص الأقتراح
صباح الفل أيها المدونون الشرفاء :)

دلوقتي جيمي بيه ربنا فك عقدته ولحق نفسه قبل ما القطر يفوته وعامل فرحه على ديجا في شرم يوم 4 مايو اللي هو عيد ميلاد الحاج الـ79 ربنا يدينا طولة العمر ونحتفل بمئويته زي ما احتفلنا
بمئوية الأهلي

المهم الحاجة
سهير اقترحت فكرة إقامة فرح موازي نقولهم فيه ربنا يسعدكوا بس بعيد عنا

تحت شعار خديجة آه مصر لأ

ونرفع صور حسني ونكتب عليها رقم 79 وكفاية عليك , وصور جيمي ونكتب مش ناقصاك

ونجيب شربات ونعلق زينة وعبقدوس يمسك المايك ويغني أغاني افراح وكدة يعني

في جو بهيج مفتكس تحفنا روح الشهيد وتظللنا تلاتين فبراير المجيدة


قلتوا إيه ؟

ربنا يتمم بخير طبعاً !

Wednesday, April 25, 2007

وقفة احتجاجية امام النائب العام للتضامن مع دار الخدمات

وقفة احتجاجية امام النائب العام للتضامن مع دار الخدمات

وقفة احتجاجية امام النائب العام غدا الخميس 26 ابريل الساعة الواحدة ظهرا للتضامن مع دار الخدمات النقابية والعمالية ضد قرار على- لمؤاخذة - مصيلحى وزير الدقيق والمخابز باغلاق الدار
برجاء الاحتشاد
القرار يأتى فى اطار حملة حكومية لتكميم الأفواه وتكبيل مؤسسات المجتمع وهى الحملة التى بدأت بتمثيلية التعديلات الدستورية وتصاعدت بتقنين المحاكمات العسكرية من خلال قانون القضاء العسكرى مرور بالاعداد لقانون الارهاب وقانون مد السن للقضاة وصولا الى المحطة النهائية للتوريث
مخاطر قرار الاغلاق لن تقف عند حد دار الخدمات ولكنها ربما تمتد لتطال جميع المنظمات الحقوقية النشطة العاملة تحت مظلة قانون الشركات وهو ما يتوجب معه التصدى بحزم لمثل هذه المحاولات والتى بدأت بخطاب وزير الدقيق والمخابز لمصلحة الشركات والشهر العقارى بايقاف تراخيص الشركات المدنية العاملة فى نطاق عمل مؤسسات المجتمع المدنى وربما لن تنتهى الابصدور قانون جديد للجمعيات يصادر العمل الاهلى فى مصر ويغلق الابواب امام عمل المنظمات الحقوقية فى مصر- الا من رضيت عنه الحكومة - فى محاولة للتخلص من ازعاجها
ولذا لزم التنويه والوقوف بحسم فى وجه هذه المحاولات

Tuesday, April 24, 2007

متابعة التحقيقات مع عبد المنعم محمود وطلاب الاخوان المعتقلين

القبض على محمد عادل صاحب مدونة ميت اثناء تغطيته التحقيقات مع عبد المنعم محمود
انباء عن اعتقال المدون محمد عادل صاحب مدونة ميت ومعه المدون مصطفى خليل اثناء وقوفهم امام نيابة شبرا الخيمة انتظار لخروج عبدالمنعم محمود والمعتقلين فى الأخوان فى قضية معهد التعاون
أخر المعلومات تشير الى ان النيابة وجهت لمنعم تهمة رئاسة تنظيم الطلاب وانها ستقوم حاليا باجراء مواجهة بينه هو والطلاب وضابط التحريات وعميد معهد التعاون
المحامون يتوقعون صدور قرار بحبس عبد المنعم محمود والطلاب 15 يوما على ذمة القضية فى جميع الأحوال
ساندواطلاب الأخوان
ساندوا عبد المنعم محمود
ساندوا محمد عادل ومصطفى خليل
ومعا من اجل مصر بلا معتقلين ولا معتقلات
---------------------------------------------------------------------
الافراج عن محمد عادل
لافراج عن محمد عادل ومصطفى خليل بعد احتجازهم لمدة نصف ساعة
بينما لا تزال التحقيقات مع عبد المنعم محمود وطلاب معهد التعاون مستمرة

Sunday, April 22, 2007

يامصيلحى خليك بعيد بكرة ترجع البريد


ويا مصيلحى خليك بعيد بكرة ترجع البريد
دعوة للتجمع امام دار الخدمات النقابية والعمالية بحلوان


دعوة لجميع النشطاء للتجمع امام دار الخدمات النقابية والعمالية غدا الاثنين الثانية عشر ظهرا .. ففى اصرار عنيف على التصعيد ضد منظمات المجتمع المدنى التى تمارس دورا حقيقيا وفى مؤشر واضح لما تحمله الأيام القادمة من احداث ولطريقة تعامل الحكومة ومؤسساتها مع النشطاء الحقيقيين صدر اليوم، الأحد 22 أبريل 2007، قرار من وزارة التضامن الاجتماعي بإغلاق المقر الرئيسي لدار الخدمات النقابية والعمالية بحلوان. وقد تم تحويل القرار لإدارة الوزارة بحلوان ومنه الى المجلس المحلي للتنفيذ.
هذا وقد تم خلال هذا الشهر أيضا اغلاق فرعي الدار بنجع حمادي والمحلة الكبرى على خلفية مساندة الدار للقضايا والحقوق النقابية والعمالية
القرار يعد مقدمة لحملة تشنها وزارة التضامن على مؤسسات المجتمع المدنى الفاعلة فى محاولة لاسكات اصواتها حيث جاء فى اعقاب خطاب ارسله
وزير التضامن والازمات المدعو على مصيلحى
الى مصلحة الشركات والشهر العقارى يدعو فيه لمنع الترخيص لجميع المنظمات العاملة تحت مظلة قانون الشركات والتى تم الترخيص لها كشركات هادفة او لا تهدف للربح مطالبا بالبدء فى تنفيذه فورا على الشركات أو المنظمات الجديدة .. كما يأتى القرار مواكبا لتسريبات من الوزارة بالبدء فى اعداد قانون جديد للجمعيات الأهلية هدفه الرئيسى تأميم جميع منظمات المجتمع المدنى والمنظمات الحقوقية العاملة تحت مظلة قانون الشركات واسكات اصواتها تماما
وهكذا فإن على مصيلحى يسعى للتأكيد على أوراق اعتماده كخادم للنظام منذ ان بدأ حملته ضد العاملين فى هيئة البريد مما دفعهم للثورة ضده أكثر من مرة بل وكاد موظفى التوفير ان يفتكوا به مما اهله للوزارة تكريما لإخلاصه فى الفتك بعمال البريد وهو ما شجعه لاكمال طريقه مشعلا الأزمات فى اى موضع وضع به قدمه وفى اى مصلحة دخلها بعد ان اوكلت الحكومة اليه الملفات الصعبة مثل الدعم ورغيف العيش والجمعيات الأهلية ليمتلىء سجله الأسودبالكثير من الوقائع كان أخرها هجومه على عمال المطاحن وتشريد شباب وبنات قرية
sos
وما فعله بعمال واصحاب المخابز مكملا مسيرته بتكبيل العمل الأهلى كفرد مخلص فى لجنة السياسات وكباحث عن دور اكبر فى المرحلة القادمة من خادم الى خادم بشرطة

ويا مصيلحى خليك بعيد بكره ترجع البريد

عنوان الدار:

ا أ شارع محمد سيد أحمد، عمارات بتروجاس، عمارة اسكندرية، الدور الأول، حلوان
هاتف: 5593932 / 5593929

Tuesday, April 17, 2007

حالة

حالة

" لاتكن صلبا فتكسر ولا لينا فتعصر"
هل هذه حكمة أزلية كما يحلو لنا جميعا ان نتعامل معها ام انها محاولة لتبرير الأخطاء حسب تقييم كل منا لمعنى الصلابة والليونة ومقتضاياتها ؟
سؤال يلح على ذهنى بشدة هذه الأيام
والسؤال يتبعه تيار جارف من الاسئلة كلها لا تبحث عن مبرر للتراجع بقدر ما تحاول صناعة عالم يعتبره البعض مثاليا واعتبره ما يجب ان يكون

هل صحيح ان قليل من التنازلات من اجل الأخرين لا يضر؟ وهل انت ملزم بالحفاظ على الأخرين.. نفسياتهم ، واحلامهم حتى لو جاء ذلك على حساب جانب من قناعاتك ؟
وهل صحيح ان الصمت فى بعض الاحيان ربما يكون أفضل من أجل الأخرين حتى لو ضاعت الحقيقة أو على الاقل ماتراه حقيقة وعدل؟
هل الحلم بعالم اكثر عدلا وانصافا جريمة ؟
وما هو مقدار العدالة التى يستحقها بشر يخافون الدفاع عن انفسهم او يضعونك فى مقدمة الصورة ثم لا يلبثوا ان يتخلوا عنك.. لتتحول انت بمعاييرهم وليس بمعيارك الى الخاسر الوحيد او الأكبر.. بينما ترى نفسك على قدر مبادئك او تستحق مكافأة لأنك كنت على قدر المسئولية، ثم لا تلبث ان تدفع الثمن غاليا ؟
حقيقة.. لا ادرى ماذا أقول
فكل الأمور اصبحت من وجهة نظرى سواء ولكن يظل السؤال الملح هل خلقنا لنعمر الكون.. نبحث عن الحرية والجمال فيه ؟.. أم خلقنا لنعيش دنيانا نمر فيها مرور العابرين والناجح فينا من يخرج بأكبر المكاسب حتى لو جاءت على حساب الأخرين ؟
هل كل ما كتبته له معنى ام انه مجرد تهويمات وتهبيلات محبط ومهزوم ربما عمليا وانسانيا ؟
لا أدرى لماذا انا على هذه الحالة؟
لكن المؤكد لى اننى محتاج لاستراحة طويلة.. ليست استراحة المحارب كما سيحلو للبعض ان يصفوها ولو من باب السخرية.. فأنا لا اقدر على ان اصل لهذا التزيد فى الوصف .. لكنها استراحة المتعب من عالم صعب وحياة مملة وبشر ارهقهم القهر حتى هانوا على انفسهم

Monday, April 16, 2007

بيان مركز النديم حول اعتقال عبد المنعم


عبد المنعم محمود: لم يكسره التعذيب.. فاعتقلته الداخلية

بعد يومين من الملاحقة واقتحام منزل المدون والصحفي بقناة المحور الزميل عبد المنعم محمود، قامت مباحث امن الدولة باعتقاله من على متن الطائرة في مطار القاهرة، ليبدأ رحلة جديدة من التحقيقات والاحتجاز وربما التعذيب، الذي سبق له أن تعرض له على أيدي رجال الداخلية المصرية.
إن مركز النديم لا يمكنه أن يفسر اعتقال عبد المنعم محمود سوى بالدور الذي يلعبه في كشف جرائم الداخلية والمشاركة من خلال مدونته في حملة من اجل المطالبة بالإفراج عن المعتقلين. لقد راهنت الداخلية على أن شهورا من الاعتقال والتعذيب سوف تسكت عبد المنعم وتكسر روحه.. لقد كان رهان الداخلية على أن عبد المنعم سوف يتوقف عن الشهادة بما جرى له وزملاءه في ظلام زنازينها.. لكن عبد المنعم لم ينكسر بل أصبح بعد خبرته مع الداخلية وعذابها شهادة حية تنطق بما آلت إليه الأحوال في البلاد ..
إن اعتقال عبد المنعم محمود يأتي بعد واقعيتين نرى أن لهما صلة مباشرة بأسباب اعتقاله.. فقد قدم عبد المنعم شهادته في جلسة نشطاء ضد التعذيب التي عقدت ضمن إطار فعاليات منتدى القاهرة الثالث كما شارك في المؤتمر الصحفي الذي نظمته منظمة العفو الدولية بمنسبة إصدارها للتقرير المعنون "مصر: انتهاكات منهجية باسم الأمن" والذي يرصد ممارسات التعذيب التي تتم في أقسام الشرطة ومقار امن الدولة كما يرصد بعضا من حالات التعذيب التي قامت بها وزارة الداخلية المصرية نيابة عن دول أخرى..
إن مشاركة عبد المنعم محمود وغيره في تلك الفعاليات كان بمثابة رسالة واضحة لرجال الداخلية بأنه لم ينكسر وأن التعذيب الذي أصاب جسده لم يمس كرامته وشعوره بآدميته وإنسانيته التي أبت عليه إلا أن يكشف للرأي العام ما يدور خلف القضبان من جرائم.
لقد قام عبد المنعم محمود بواجبه كمواطن بأن أبلغ عن جريمة، لم يكن مجرد شاهدا عليها، بل كان هو احد ضحاياها.. فكان هو الطرف المحترم للقانون وكان معتقلوه هم المخترقين له..
إن مركز النديم إذ يعلن تضامنه مع عبد المنعم محمود وكافة المعتقلين ضحايا الطوارئ وجبروت الداخلية يطالب بالإفراج الفوري عنه ويحمل وزارة الداخلية والنظام المصري كاملا مسئولية سلامة وحياة عبد المنعم ويعبر عن مخاوفه من إمكانية تعرض عبد المنعم لجولة جديدة من التعذيب على يد رجال أمن الدولة.
كما يوجه مركز النديم تحية خاصة لكافة الأصوات الحرة التي فشلت جرائم التعذيب في إسكاتها وأبت أن تعيش حياتها ضحايا.. لكل من خرجوا من غياهب الأقسام ومقار امن الدولة مرفوعي الرأس رغم جروح الجسد ليشهدوا بما يدور في هذا البلد من جرائم تمارس بشكل منهجي وتحت حماية القانون ومتخذي القرار فيه.
كذلك فإن مركز النديم يناشد كافة المنظمات الحقوقية والإنسانية في مصر والعالم العربي وفي العالم أجمع بإرسال برقيات الاحتجاج إلى الجهات المسئولة مطالبين بالإفراج عن عبد المنعم ومن سبقوه إلى مراكز الاعتقال والمحاكم العسكرية، محملين الجهات المعنية مسئولية سلامة وحياة عبد المنعم محمود ومطالبين إياها بالالتزام بما صدقت عليه الحكومة المصرية من التزامات واتفاقيات دولية.

رجاء إرسال برقيات الاحتجاج إلى كل من

السيد محمد حسني مبارك، رئيس جمهورية مصر العربية؛ فاكس: 7953192 - 202 795801600
السيد وزير العدل المصري؛ فاكس: 7958103 202 00
السيد وزير الداخلية المصري؛ فاكس: 7945529 202 00
السيد المستشار النائب العام؛ فاكس: 5774716 202 00
كما يمكن للأصدقاء في البلاد الأخرى أن يرسلوا برقيات الاحتجاج إلى السفارات المصرية في بلادهم

ومعا من اجل مصر بلا قهر ولا مقهورين وبلا معتقلين ولا معتقلات

Saturday, April 14, 2007

عندما جاءوا لاعتقال مدونى الاخوان

ضم عبد المنعم محمود صاحب مدونة "انا اخوان " لقضية طلاب معهدالتعاون
في تلفيق مفضوح قامت مباحث أمن الدولة بضم المدون والإعلامي المصري عبد المنعم محمود لقضية طلاب معهد التعاون والتي نظرتها نيابة شبر الخيمة عصر اليوم الجمعة حيث قضت بحبس كل من :
الدكتور
محمد عبد العال - الأستاذ بطب عين شمس
الدكتور سالم رمضان عبد ربه - صيدلي
المهندس نادر توفيق مصطفي
خمسة عشر يوماً وذلك بتهمة تمويل طلبة معهد التعاون لتكوين "خلايا" طلابية تحيي فكر جماعة الإخوان المسلمين بالمعهد
وقد ضربت جحافل الأمن المركزي كردونًا حول محكمة شبرا، ومنع ضباط أمن الدولة محاميّ المعتقلين من دخولها، مما أدى لحدوث مشادات بين هيئة الدفاع ورجال أمن الدولة، قبل أن يأمر رئيس النيابة بدخول كافة أفراد هيئة الدفاع وفي مقدمتهم جمال تاج الدين (عضو نقابة المحامين العامة) ومصطفى عطية (عضو لجنة الشريعة بنقابة المحامين بالقاهرة)
وفي سياق متصل، تجري – حاليًا – نيابة أمن الدولة بشبرا الخيمة تحقيقات مع المقبوض عليه من طلاب معهد التعاون الزراعي بشبرا الخيمة وهم: شاكر فؤاد قاسم، وشحات صبري عبد النبي سالم بالفرقة الرابعة، ووليد مصطفى جابر بالفرقة الثانية، فيما تلاحق قوات الأمن باقي المطلوبين وعددهم الإجمالي 20 طالبًا وهم:منصور نصر منصور، أسامة عوض مرضي، محمد حلمي السيد، سعد عباس سعد، وحيد رضا عبد العليم، صالح محمد صالح، أشرف عواد إسماعيل، أحمد مختار السيد، سمير أحمد محمد، أحمد محمد إبراهيم، أحمد محمد عبد القادر، هشام أحمد محمد، أحمد محمود عبد الحافظ، عبد الناصر عبد الرحمن، حمدي عبد السميع محمد، محمد رجب عطية.وكانت قوات غفيرة من الأمن المركزي وأمن الدولة قد اقتحمت بالرشاشات والأسلحة - فجر الأربعاء - شقةً بشبرا الخيمة، يسكن بها عددٌ من طلاب الإخوان المغتربين بمعهد التعاون الزراعي بشبرا الخيمة، وقامت بتفتيشها وتحطيم محتوياتها، ثم قامت باعتقال طالبَيْن من الموجودين داخل المكان، وفي نفس الوقت قامت باعتقال طالب آخر بنفس المعهد يقطن بمنطقة حلوان!!
نقلا عن موقع اخوان شرق

Friday, April 13, 2007

عندما جاءوا لاعتقال الاخوان واغلاق دار الخدمات

اليوم : امن الدولة تداهم منزل المدون عبد المنعم محمود صاحب
مدونة "انا اخوان ".. والتضامن مع دار الخدمات
~


دعوة للاعتراض ومساندة المختلفين معك فكريا الدستور11 مايو 2005


داهمت مباحث أمن الدولة منزل عبد المنعم محمود صاحب مدونة " انا اخوان " فى الأسكندرية الثالثة فجر اليوم و مازالت تبحث عنه فى القاهرة بعد صدور أمر بالقبض عليه ..عبد المنعم أخبر الزميل عمر الهادى صاحب " مدونة اسد " بما حدث فى آخر اتصال جرى بينهما فى تمام الثالثة والنصف فجرا بعد ان وصلته الأنباء من أهله بالاسكندرية


من ناحية أخرى يتجمع عدد من نشطاء المجتمع المدنى والناشطين السياسيين أمام نقابة المحامين فى الثانية ظهرا للتوجه الى المحلة لحضور مؤتمر التضامن مع دار الخدمات الذى تم تأجيله من امس الخميس الى اليوم بعد ان قامت قوات ألأمن بإغلاق فرع الدار


فعلى من يرغب فى المشاركة التجمع أمام النقابة


تضامنوا ضد القهر والفساد بكل اشكاله


تضامنوا مع عبد المنعم محمود وكل المعتقلين


تضامنوا مع دار الخدمات النقابية


و معا من أجل مصر بلا قهر وبلا تعذيب وبلا معتقلين ولا معتقلات

Thursday, April 5, 2007

لا لإغلاق دار الخدمات النقابية والعمالية


حملة على دار الخدمات النقابية والعمالية

اغلاق فرعى الدار فى المحلة ونجع حمادى خلال أقل من يومين


فى مؤشر واضح لما تحمله الأيام القادمة وفى أول تطبيق عملى للتعديلات الدستورية قامت الجهات الحكومية باغلاق فرعى دار الخدمات النقابية والعمالية بالمحلة الكبرى ونجع حمادى وهو مايكشف عن طريقة تعامل الحكومة خلال الفترة القادمة مع المعارضة والناشطين السياسيين ومنظمات المجتمع المدنى خاصة العاملة فى مجال العمال وحقوق الأنسان

ساندوا دار الخدمات النقابية وشاركوا فى حملة التوقيعات لمساندتها

دافعوا عن حريتكم وحريتنا جميعا

ومعا من أجل غدا افضل للجميع
هذه هى بيانات منظمات المجتمع المدنى

Wednesday, April 4, 2007

دعوة للتجمع الأن أمام قسم الدقى

علاء ومنال وجمال عيد فى قسم الدقى

فيما أعتبره المحامون اجراء يهدف للنيل منهم اصدرت نيابة شمال الجيزة قرارها بإخلاء سبيل كل من منال بهى وعلاء سيف والمحامى جمال عيد مدير الشبكة العربية لحقوق الانسان على ان يتم اطلاق سراحهم من قسم شرطة الدقى.. وكان القاضى عبد الفتاح مراد قد تقدم ببلاغ ضدهم يتهمهم بتشويه سمعته من خلال نشرفيديو لوقائع اشتباك بينه وبين مجموعة من الناشطين خلال وقائع نظر القضية التى أقامها القاضى المذكور بإغلاق 21 موقع ومدونة كل تهمة اصحابها انهم نشروا اخبار حول اتهام منظمات حقوقية له بنقل مقاطع كاملة من تقارير لهم ونسبتها لنفسه فى كتب اصدرها فيما بعد
يذكر ان المحكمة أمرت بتحويل القضية الى الدائرة السادسة بمجلس الدولة لما لها من خبرة فى قضايا الملكية الفكرية وهو ما اعتبره القانونيون انتصار للمدونين ووضع للقضية فى اطارها الصحيح كقضية اعتداء على حقوق الملكية الفكرية لأخرين
برجاء التجمع الأن وفورا أمام قسم الدقى والسعى لنشر الخبر كلما امكن وتوجيه دعوة عاجلة لنقيب المحامين لوقف الإعتداء على حرية المواطنين وأحد المحامين
جائنى خبر الأن انه تم نقل علاء ومنال وجمال الى القسم بالكلابشات ومازالوا مقيدين بها داخل قسم الدقى

Saturday, March 31, 2007

حجب البريد الألكترونى للمدون المصرى وائل عباس

أكد ان عليه فيديوهات تعذيب معده للنشر

حجب البريد الألكترونى للمدون المصرى وائل عباس

فوجىء الزميل وائل عباس صاحب مدونة الوعى المصرى وأحد اشهر المدونين الذين فضحوا جرائم التعذيب من خلال نشره لفيديوهات الجلادين اليوم بأن ايميله الشخصى تم حجبه تماما وذلك عندما حاول فتحه أكثر من مرة ليفاجىء برسالة تقول ان هذا الأيميل غير موجود ولا يوجد معلومات حوله .. وقام وائل بمخاطبة شركة ياهو صاحبة الخدمة فى محاولة لاسترداد حسابه الشخصى وحتى الأن لم يتم الرد عليه
الجدير بالذكر ان الأيميل الشخصى لوائل يضم كل القوائم البريدية الخاصة به وايميلات لعدد كبير من الكتاب والصحفيين كما يوجد عليه بعض الفيديوهات المعدة للنشر ولذلك فأنه لن يكون قادرا على استقبال اية ايميلات تصله
يوجد ايميل بديل يمكن مراسلة وائل عباس عليه مؤقتا وهو
wa2el_3abbas@yahoo.com
ماحدث مع وائل عباس يثير الكثير من القلق حول كيفية التعامل معه خلال الفترة القادمة خاصة فى ظل اصرار وزارة الداخلية على النيل من المدونين وسعيها لتقفيل قضايا فيديوهات التعذيب والمتهم فيها عدد كبير من ضباط الشرطة واشارتها اكثر من مرة الى انها فيديوهات ملفقة ويدعم هذا القلق ان واقعة اختراق وحجب ايميل وائل سبقها سرقة الكمبيوتر المحمول للمدون محمد الشرقاوى من منزله.

Wednesday, March 28, 2007

النتائج القديمة مازالت صالحة للاستفتاءات الجديدة



فى الاستفتاء الأخير الحكومة ظلمت نفسها

هذا المقال كتبته بعد اعلان نتائج الاستفتاء على التعديل الأول للمادة 76 ووجدت انه مازال صالحا للنشر بعد اعلان نتيجة الاستفتاء الأخير وعلى رأى الشاويش عطية فى فيلم اسماعيل ياسين فى الطيران "يا عسكرى غبى وقلنا ماشى لكن كمان جاهل وما بتقراشى "..ولا أيه ؟

Monday, March 26, 2007

أولى جلسات قضية منع مواقع و مدونات مصرية

Mon, 2007/03/26 - 12:29 —

عمرو غربية
Start: 2007/03/27 - 00:00
End: 2007/03/27 - 13:00
Website:
سيبونا - لا تمنعوا المواقع
Location:
مجلس الدولة، شارع مراد بالجيزة، بجوار فندق شيراتون القاهرة
Organizers:
المستشار عبد الفتاح مراد
تحددت أولى جلسات القضية التي رفعها المستشار عبد الفتاح مراد في القضاء الإداري لمنع عدد من المواقع و المدونات المصرية يوم الثلاثاء القادم 27 مارس 2007.
مجلس الدولة: الجيزة، شارع مراد، الدور الثاني، قاعة 11. التاسعة صباحا.
ما هي هذه المواقع؟
هي مواقع لمنظمات حقوقية مصرية، و مدونات مصرية، و وسائل إعلام مصرية و عربية، و مواقع سياسة:
مركز هشام مبارك للقانون read more »
عن مدونة عمرو غربية


برجاء التجمع بمجلس الدولة غدا فى تمام التاسعة صباحا

للتضامن مع المدونين ودفاعا عن حرية الرأى والتعبير

معا من أجل الحرية للجميع

اخر اخبار المعتقلين

المعتقلون باتوا ليلتهم داخل سيارات الترحيلات فى صحراء القطامية


معتقلوا الأمس موجودون الأن فى سيارتى ترحيلات بصحراء القطاميةالسيارة الأولى بها 8معتقلين الذين تم الأعلان عن اسمائهم والسيارة الثانية بها مايقرب من 20 معتقلا بينهم عمر الهادى (اسد) ومحمد جمال بشير وعمر مصطفى (سيزر ) ...
السيارتان استقرتا فى القطامية بعد رحلة كعب داير فى جميع مناطق القاهرة من وسط البلد الى المعادى الى طرة الى مدينة نصر والتجمع الخامس ومنها الى القطامية
تم الاتصال بعدد من الموجودين داخل السيارتين وتم الأطمئنان على حالة الدروبى وهو بخير الأن
تجمعات الأن امام نقابتى الصحفيين والمحامين للاعتراض على الاستفتاء واحداث الأمس وكل التقارير الورادة حت الأن تشير أن لجان الأستفتاء خالية تماما ومازالت الحشود الأمنية تسد شوارع القاهرة ووسط البلد واضيف الى المشهد عربات ميكروباص محملة بالبلطجية بخلاف فرق البلطجية المنتشرة فى الميادين خاصة التحرير وطلعت حرب ومربع النقابات

تم الافراج عن جميع المعتقلين حيث قامت الشرطة باطلاق سراحهم فى منطقة الغابة المتحجرة وعلى طريق مصر السويس الصحراوى

Sunday, March 25, 2007

يوم الاعتصام ضد التعديلات

هذه احداث يوم الاعتصام ضد التعديلات كما وصلتنى تباعا
قوات الأمن تعتقل العشرات وتضرب عدد كبير من المتظاهرين

القبض على المدونين مالك مصطفى ومحمد جمال وعمرالهادى ( اسد) وعمر سيزر وعلى الطيب وقوات الأمن تحاصر 20 فردا حاليا امام مقهى ريش وتضعهم فى عربات زرقاء واخبار عن اعتقالات واسعة
تعرض عدد من الناشطات للضرب المبرح منهم سلمى سعيد ورشا جدة
اتوبيس سياحى يحمل رقم 25748 به عدد من جنود الشرطة يقف بشارع الفلكى للقبض على المتظاهرين
القبض على الصحفى حسام الحملاوى
------------------------------------------------------------------------
ومازالت الأحداث تتابع...
قوات الأمن تعتقل العشرات وتضرب عدد كبير من المتظاهرين

توجهت عربات الأمن التى تحمل عشرات المعتقلين الى نيابة أمن الدولة بمدينة نصر
كما جاءت لنا انباء بالقبض ايضا على كل من سارة عبد الجليل وشيماء حسبو ومحمد راشد ومتظاهر اسمه مدحت
بعض المقبوض عليهم مازالو موجودين فى عربات زرقاء بمنطقة وسط البلد
-------------------------------------------------------------------------
عنف الأمن يشتد واخبار المعتقلين تزداد

العربة التى كانت متوجهة لمدينة نصر توقفت عند مقابر مدينة نصر
------------------------------------------------------------------
وأول قائمة بأسماء المعتقلين
أسماء المعتقلين المعروفة اسماءهم

حسام الحملاوى
مالك مصطفى
عمر سيزر
محمد جمال
أدهم الصفتى
كريم الشاعر
سارة عبد الجليل
محمد راشد
حاتم

ملحوظة مالك مصطفى موجود فى سيارة شرطة زرقاء تقف الأن أمام مكتبة الشروق

اخرمعلومة وصلتنا أن عدد المعتقلين بلغ عدد اكثر من 65 معتقلا المعلومة مازالت غير مؤكدة
-----------------------------------------------------------
ومازالت انباء المعتقلين تتوالى
مالك مصطفى ومدحت راشد فى عربة أمام مكتبة الشروق
تم خطف كاميرا مصورة رويترز ( تارة تادرس
حسام الحملاوى تمكن من الأفلات ممن اعتقلوه
اسماء جديدة :
أحمد عبد القادر
ومحمد الدروبى

العربة التى خطفت الشباب انتقلت من القابر الى المعادى عن طريق الأوتوستراد
تم اطلاق سراح الفتيات المعتقلات
------------------------------------------------
محاصرة حزب الغد
تم محاصرة حزب الغد والاعتداء بالضرب على عدد كبير من كوادره كما تم اعتقال
احمد عبد الجواد من الغد
وأحمد الدروبى

كما تم خطف كامير مصورة صحفية أخرى هى الكسندرا ساندليز من هيرالد تربيون
----------------------------------------------
الاقتراب من السجن
وصلت اربع عربات محملة
بالمعتقلين الى سجن طرة

العشرات يتظاهرون الأن امام نقابة الصحفيين
--------------------------------------------------------
من طره الى البساتين يا قلبى احزن
فى اتصال هاتفى مع الأستاذ احمد حلمى عضو لجنة الحريات بنقابة المحامين اكد أن احدى العربات التى تحمل المعتقلين بها عشرين معتقلا بينهم مالك مصطفى عمر الهادى (اسد) ومحمد جمال وتسعة اسماء ممن تم الأعلا عنهم توجهت الأن الى قسم البساتين
ملحوظة
رئيس مباحث القسم هو الرائد محمد الشرقاوى احد الضباط المتهمين بالتعذيب وصاحب قضية الاعتداء على اسرة كاملة بحلوان والمتهم بهتك عرض افرداها والتعذيب الوحشى للنساء
-----------------------------------------------------------....
الواحدة بعد منتصف الليل الافراج عن مالك ومدحت
تم الافراج عن مالك مصطفى ومدحت شاكر بعد ان تم نقلهم الى منطقة المطارليتم الافراج عن مالك وبعده تحركت السيارة الى شارع بيروت بمصر الجديدة وتم الافراج عن مدحت

احدى السيارات التى تحمل المعتقلين تقف حاليا الواحدة صباحا أمام مدرسة الشويفات بالتجمع الخامس السيارة بها 8معتقلين بعدان تم الافراج عن المعتقل التاسع فى منطقة المقطم
أسماء المعتقلين الموجودين بالسيارة هم
احمد الدروبى
ادهم الصفتى
عمر مصطفى
احمد سمير
خالد مصطفى
شريف رجب
محمد عبد القادر
كريم الشاعر
يذكر أن احمد الدروبى تم اعتقاله فى أحداث القضاة وهو مصاب بالسكر وأصيب بغيبوبة سكر اثناء وجوده فى سجن طرة

يوجد سيارة أخرى بها ما يقرب من عشرين معتقلا منهم عمر الهادى ومحمد جمال بشيروعمر سيزر وأخرون لا أحد يعرف مكانها بعد ان دارت بالمعتقلين بين معسكر الخيالة بالمعادى والأمن المركزى بطره

ثلاثة اعضاء بمجلس الشعب هم النواب محمد عبد العليم وحمدى حسن ومحسن راضى وعدوا بتقديم طلبات احاطة غدا عما جرى من عنف وارهاب امنى واعتقالات خلال احداث اليوم
النواب وعدوا ايضا بتشكيل وفد لمساندة المعتقلين حال تحويل اى منهم للنيابة
------------------------------------------------------------------------------
أخر المعلومات فى الثانية بعد منتصف الليل تفيد ان هناك اكثر من 28متظاهرا مازالوا قيد الاعتقال

Wednesday, March 21, 2007

مش عايزين تعديل دستور .. عايزينك ترحل وتغور

يوم الاثنين فيه استفتاء على تعديل 34 مادة في الدستور المصري دستور بلدنا اللي بيقول البلد تمشي إزاي وبيحدد حق وواجب كل واحد فينا, التعديلات دي الحزب الوطني عملها بمعرفته .. تعديلات تفصيل على مقاس جمال بيه , عشان محدش يتكلم أو يعترض أو يطالب بحقه أو يرفع راسه , مش كدة وبس كلنا هنكون مهددين في الشارع وفي شغلنا وبيوتنا وأكل عيشنا .

تعديل المادة 179 بيدي الحق لأي أمين شرطة إنه يدخل بيتك ويفتشك ويراقبك ويراقب تيلفونك ويسجلك صوت وصورة ويحبسك وكل ده بمزاجه من غير إذن نيابة ولا دياولو وبعدين يوديك محكمة عسكرية لأنك إرهابي ؛ يعني مفيش حصانة لمحامي ولا صحفي ولا قاضي ؛ يعني مفيش عدل ولا صحافة ولا قانون , وكله بالدستور يا بيه !

أما بقى تعديل المادة 88 فده بيلغي الإشراف القضائي على الانتخابات ويسيبها للداخلية وبتوع " نعم نعم يا مبارك " يطلعوا النتيجة اللي هما عايزينها . التعديلات كمان هتمنع أي مستقل يترشح للرئاسة يعني انكتب علينا وعلى ولادنا رئيس من الحزب إياه لحد ما نموت , ورئيس الجمهورية بقى من حقه يحل مجلس الشعب من غيرحتى ما يستفتي الناس ؛ يعني احنا ننتخب مجلس شعب هو ييجي يحله من دماغة ويطلعلنا لسانه .

يعني من الآخر البلد هتبقى عزبة مبارك وولده , واحنا عبيد وأنفار عندهم مالناش حقوق وكتّر خير ناظر العزبة إنه سايبنا قاعدين .

احنا بقالنا كتير بنتكلم عن الحرية والديمقراطية وحقوق الإنسان والشفافية وتداول السلطة والنهب والفساد والقطارات والعبارات والسرطان والعنوسة والبطالة والفقر والجهل والمرض و عندنا استعداد نفضل نتكلم ونحاول تاني وتالت , بس التعديلات دي هتحرمنا حتى من أبسط حقوقنا كبني آدميين وهو حق الكلام والتعبير, الموضوع مش المعارضة والناس بتوع السياسة بس , الموضوع هيضرنا كلنا , أي حد هيفتح بقه دلوقتي ممكن يبقى إرهابي مفيش حرمة ليه ولا لبيته وعرضه وحريته وكرامته , من حقنا نكون زي كل شعوب الدنيا اللي واخدة حقها والحكام بيشتغلوا موظفين عندها , من حق ولادنا يعيشوا في مصر أحسن من اللي احنا عشنا فيها , كل واحد فينا هيجيله يوم يسأل نفسه أو ولاده هيسألوه كان فين يوم ما البلد اتباعت وبقت تكية لمبارك والعصابة اللي معاه ؟!

دي آخر فرصة نتكلم واحنا لسة بني آدمين نرفض الاستعباد والذل اللي عايزينا نعيش فيه , يمكن تكون دي آخر مرة نقدر ننزل الشارع فيها نعبر عن رأينا ما هو بعد كدة اللي هيتكلم هيبقى إرهابي .

يوم الأحد 25\3 الساعة 6 هنكون كلنا في ميدان التحرير , كل الأحزاب والتيارات والاتجاهات , رجالة وستات , ولاد وبنات , هنبات ليلة في الشارع نقول كلمتنا ونوصل صوتنا ونبقى عملنا جزء من اللي علينا قدام نفسنا وولادنا وقدام ربنا , مهما يعملوا هننزل الشارع ومش هنخاف ومش حنسيب بلدنا عشان احنا أصحابها .

شباب بيحلم ببكرة

Wednesday, March 7, 2007

حوار وليد الدسوقى


الدستور تحاور وليد الدسوقى ضابط امن الدوله الذى يلاحق المتضامنين مع القضاه :
قلت لقيادات الامن المركزى باقى لنا تشكيلين كمان وندخل الحرب العالمية الثالثة -
-تعليمات اغلاق الشوارع جايه من فوق اوى .. ومافيش حد حينزل الشارع المرة الجاية
- نحن لا نستطيع منع اى عمليه تفجيرية تحدث فى وسط البلد وكل هذه الحشود لن تمنع ذلك
- عندنا 70 مليون ملف وحتى العيال الصغيرين لها ملفات فى امن الدوله
- اقرأ كل كلمه تكتبها الصحف .. وكلامكم عنى حيزعل منى الكبار لانى بقيت أشهر منهم
- نبهنا على الاحزاب محدش ينزل الشارع اليومين دول ودى أوامر عليا .. واللى عاوز ينزل بعد كده يشوف له حته يبات فيها قبلها بيومين
- كل مكان بقى فيه ناس من اجل التغيير مش ناقص الا نشوف ضباط امن دولة من اجل التغيير كمان

لم يدر بذهنى يوما ان اجرى حوارا مع احد ضباط أمن الدوله الملوثة ايديهم بالتعذيب ، لكن هذا ما حدث يوم الخميس الماضى خلال محاكمه القضاة.. وضعتنى الظروف فى مكان واحد (خارج لاظوغلى) مع وليد الدسوقى المسئول عن مكتب مكافحه الشيوعيه ومنظمات المجتمع المدنى والمعروف باسم ( جزار المعتقلين ) والمتهم فى قضايا تعذيب كثير ممن اعرفهم وعايشتهم ومنهم الزميلين ابراهيم الصحارى ووائل توفيق ، وايضا الطالب رامز جهاد و د. جمال عبد الفتاح وجمال زهران وجمال عيد مدير الشبكه العربيه لحقوق الانسان .. والمفارقة أن ذلك حدث فى نفس اليوم الذى تعرضت فيه الزميله عبير العسكرى للاختطاف اثناء تغطيتها لاحداث القضاة ليتم الاعتداء عليها والتحرش بها بعد أقل من اسبوعين من كتابه تحقيق صحفى مدعم بالمستندات عن فظائع وليد الدسوقى أو كما يسميه المتظاهرون ( سوء سوء ).

فجأة وبعد معاناة وبعد أن عبرت عدة حواجز فى وسط البلد ولم يبق الا حاجز واحد لأصل الى أرض الأعداء فى نادى القضاة .. وجدت نفسى أمام المشرف على واقعة تقطيع علم مصر وصاحب السجل الآسود فى تلفيق وكتابه محاضر التحريات المضروبة ضد المتظاهرين ، كنت قد عبرت معبرى غزة ورفح كما اطلقنا يومها على الحواجز التى ملأت وسط البلد ولم يبق لى إلا معبر أرينز الذى يشرف عليه الدسوقى ورجال أمن الدوله التابعون له .. لم بيقى أمامى طريق لدخول نادى القضاة لتغطية الوقائع داخله إلا من خلاله وبتصريح شخصى منه بعد أن رفض تابعه على المعبر عبورى .. لكنه عندما توجهت له أكد استحالة’ عبورى وأن لديه أوامر عليا بأن القضاة هم فقط المسموح لهم بالعبور .. قلت له ولو لجأت لأحد المستشارين هل ستسمح لى بالعبور فرد لو جبت زكريا عبد العزيز نفسه لن اسمح لك مؤكدا أنه يؤدى عمله ويدرك اننى أؤدى عملى لكنها الأوامر.


أمام ساعات الانتظار الطويلة تحولت انا ومجموعة الصحفيين الذين تمكنوا من اختراق الحواجز- أغلبهم قالوا إنهم يعماون بالأسبوع ليسمحوا لهم بالعبور – وتجمعوا فى هذه النقطة .. إلى ( اشتغالة ) قرر الدسوقى أن يلهو بها وبأعصابها على طريقة القط الذى يلهو بفأر سقط فى مصيدته بينما قررت أن أستغل الوقت فى إجراءالحوار التالى معه

كانت البدايه لحظة خروج ناصر أمين مدير مركز استقلال القضاة والمحاماة من نادى القضاة وعندما أبدى استغرابه من الحشود التى تجمعت رد الدسوقى عليه " انا قلت لقيادات الأمن المركزى إنه باقى تشكيلين كمان وندخل الحرب العالمية الثالثة " لأتدخل أنا فى الحوار و أسأله أعتبر هذا تصريح صحفى ؟ فنظر نحوى بابتسامه صفراء ولم يرد .. فسألته مرة أخرى فقال :
- هو انتوا كده يا بتوع الدستور .. بتدوروا على الكلام السخن من غير تدقيق مثلا انتم نشرتم عنى بورتريه الأسبوع اللى فات كله كلام مش حقيقى
> ازاى كلها قضايا ضدك بتتهمك بالتعذيب .. وبعدين لو مش صح كنت رد؟

- وليه أرد بس أنا عاوز أقولكم انتم شهرتونى جدا .. انتوا حتزعلوا الكبار منى بعد ما بقيت أشهر منهم وبعدين أنا آخر واحد قبضت عليه هو أشرف إبراهيم و اسألوه إن كنت عذبته.
> طيب ووائل توفيق ؟
- مين وائل توفيق ؟
> صحفى قبضت عليه واتهمك بأنك عذبته .. ده غيره كتير !
- شوف أنا قاعد فى مكتبى لو حد جه اتهمنى حاعمل له إيه .. وعلشان كده لازم تتأكدوا من معلوماتكم
> دى معلومات مؤكده ومدونة فى محاضر رسمية وتقارير لمنظمات حقوق الانسان والناس بتشوفها كل يوم بعنيها ولو مش صحيحة ممكن ترد ؟
- طيب وأرد ليه .. عموما لما تبقى تجيلى مكتبى حاتعرف احنا بنعامل الناس إزاى .
> أعتبر ده تهديد ؟
- لا ياراجل تعالى شرفنى فى مكتبى وحتشوف حنستقبلك إزاى .
> طيب الناس اللى اتبهدلوا واتسحلوا فى الشوارع واعتقلوا النهارده قدام عينى ؟
- هو فيه حد اعتقل انا معرفش انا واقف هنا .
> الناس كانوا بيجمعوهم هنا فى منطقتك وأنا صورت ناس هنا وهمه بيضربوهم ويركبوهم العربيات ؟!
- يا راجل قول كلام غير ده.. عموما احنا نبهنا على الاحزاب إن التظاهر والنزول للشارع اليومين دول ممنوع علشان الظروف اللى بتمر بيها البلد وإن اللى حينزل المظاهرات حيتقبض عليه .
> إنتوا مين ؟
- إحنا .
> طيب وما تعرفش إن عبير العسكرى اتخطفت النهارده وضربوها ؟
- مش معقول ! والله ما أعرفش .. ورفع تليفونه المحمول كى يتصل بشخص ما ثم عاد وأنزله.
> يعنى عاوز تفهمنى إن ما مفيش فى قلبك حاجة واللى حصلها ملوش علاقة بالكلام اللى كتبته عنك ؟
- أنا معرفش وشوف مين اللى عمل لها كده بس همه ما بيردوش دلوقتى .. وبعدين إنتوا من حقكم تكتبوا اللى إنتوا عاوزينه.
> نرجع تانى لموضوع الحشود دى أمال كنتم فين فى دهب وشرم الشيخ ؟
- أنا قلت لك إنه كان ناقص تشكيلين كمان ونخش الحرب العالمية الثالثة .. ورغم كده إحنا ما نقدرش نمنع أى عملية تفجيرية حتى لو واقفين دلوقت ممكن يفجروا هنا رغم كل الحشود دى .. بس أنا حاسس إن الصحافة اللى بتحب تهول يعنى مثلا إنتوا سبتم دهب واللى حصل فيها و بتركزوا على المظاهرات وما اتكلمتوش على اللى ماتوا هناك وبتتكلموا على كام معتقل هنا .
> اللى بيعمل دا فى الناس هنا هو المسئول عن اللى بيحصل للناس هناك .. وبعدين واضح إن حضرتك ما قرتش اللى كتبناه كويس أنا حتى كتبت لكم بعدها " العادلى أساس الملك " ؟
- أنا باقرا اللى بتكتبوه كلمة كلمة .. دا حتى انتوا كتبتوا اسمى فى العدد الأخير 4 مرات .. منكم لله يا بتوع " الدستور " انتوا ما عندكمش حد غيرى حتزعلوا الكبار منى ويحسوا إنى بقيت أشهر منهم.
> يعنى باختصار انتوا بتسيبوا الإرهابيين واللى بيموتوا فى الناس زى ممدوح إسماعيل يهربوا وتيجوا تضربوا المتظاهرين .. هى دى الطريقة اللى حتحموا بيها البلد ؟
- ممدوح إسماعيل مش مسئوليتنا .. إحنا بنفذ الأوامر اللى بتطلع لنا والراجل خرج بشكل رسمى وما كنش اتوجهت ضده اتهامات .
> إحنا اكتشفنا إن اللواء حازم حمادى هو نفسه ضابط أمن الدولة أحمد ممتاز اللى اعتقل ايمن نور وعـذبه .. يا ترى وليد الدسوقى هو إسمك الحقيقى ولا إسم حركى ؟
- لا انتوا حتتفاجأوا باسم تانى خالص لما اطلع من الخدمة.
> طيب ممكن دلوقتى بقى تسمح لنا نروح نادى القضاة لأن كل شىء خلص تقريبا ؟
- لا يمكن هذه أوامر عليا مفيش حد حيعدى من هنا النهارده إلا القضاة لغاية ما يقولوا لنا حاجة تانية .
> أوامر عليا جايه منين هو فيه حد أكبر منك هنا ؟
- جاية من فوق .. فوق أوى
> لغاية مصر الجديدة مثلا (مقر الرئاسة) ولا أكتر ولا أقل ؟
- فوق أوى أوى .. بس أنا عاوز أسألكم انتوا رأيكم اللى بيحصل ده فى صالح القضاة وخدمهم ولاّ قلل قيمتهم قدام الناس ؟
> لا خدمهم طبعا والناس كلها متعاطفة معاهم .
- لا انا شايف إنه قلل منهم ومن قيمتهم وضرب مكانة القاضى وبقت الناس بتتعامل معاهم بشكل مش صح .
> واضح إن سيادتك بتتكلم عن واقعة الاعتداء على القاضى محمود حمزة بس لو حضرتك نزلت وسمعت كلام الناس فى المواصلات والميكروباصات حتعرف إن صورة القضاة بقت أفضل ؟
- يا راجل شفتم القضاة وهمه راكبين ميكروباصات ورايحين المحكمة .. أنا عمرى ما كنت أتخيل إنى أشوف قاضى يركب ميكروباص ولا بيتم التعامل معاه بالطريقة دى .

> انتوا اللى قفلتم الطريق وجبتم لهم الميكروباصات وبعدين مش مهم ركبوا إيه المهم القضيه اللى بيدافعوا عنها .. وبعدين إنت بتتكلم عن القضاة وإنت واقف تحمى التزوير والفساد "
هنا تدخل أحد الزملاء إنتوا فاسدين وبتسرقوا البلد "
- أنا ما اسمحش لك أنا حجيت وعملت عمرة مرتين وعارف ربنا كويس .
> طبعا طبعا وليد بيه ما بيسرقش وليد بيه بيعذب بس ؟
- طيب ليه ما بتتكلموش عن الإخوان واللى عملوه فى التوفيقية النهاردة وتكسيرهم للمحلات .
> إحنا اللى شفناه الإخوان وهما بينضربوا و بيتسحلوا ويعتقلوا فى شارع رمسيس وإنتوا اللى بتكسروا المحلات و تتهموا المتظاهرين .
- هو إنتوا كده بتشوفوا اللى انتوا عاوزينه ؟!
> طيب ايه رأيك فى اللى بيقطع علم مصر ؟
- وأنا مالى.
> أنت كنت المشرف على عملية تقطيع العلم ومعانا صور لك ؟
- والله .. مش معقول .
> طبعا ما إنت ضامن إن التحقيقات حتتحفظ ؟ بس أنا عاوز أعرف كان حيحصل إيه لو سبتوا الناس تتظاهر ؟
- دى أوامر وممنوع حد ينزل الشارع اليومين دول.
> يعنى ده حيتكرر فى المظاهرات الجايه ؟
- الجاية واللى بعدها .. ده أسلوب جديد علشان اللى بيحصل فى البلد واللى عاوز ينزل بعد كده أنصحه يشوف له حته يبات فيها قبلها بيومين.
> نرجع تانى لأمن الدولة صحيح إنتوا عندكم ملفات لكل الناس ؟
- إحنا عندنا 70 مليون ملف .. بس الموضوع بيختلف ، حتى العيال الصغيرة لها ملفات
" يضحك "
> طيب والصحفيين ؟
- عندنا ملفات لكل الصحفيين بس فيه ناس بنركز معاهم وناس فى حالها دول مش بنهتم بملفاتهم ، يعنى مش كل الصحفيين زى بعض .. إنتوا طبعا يا بتوع " الدستور " ليكوا وضع خاص .
.> طيب والناس اللى بتضربوها ما بتصعبش عليكم وما بتفكروش تراجعوا نفسكم وتقفوا مع الناس ؟
- والله ممكن "هاهاها " هو صحيح ايه المكان اللى مفيهوش ناس من أجل التغيير لحد دلوقتى ؟ فيه صحفيين من أجل التغيير ومهندسين من أجل التغيير يبقى باقى مين ؟
> باقى ضباط أمن دولة من أجل التغيير .. إيه ناوى عليها ولا إيه ؟
- ضحك .. عموما يا جماعة ما تنسوش إحنا معادنا الخميس الجاى واللى بعده ... حنبقى مع بعض هنا .. الخميس اللى بعده ده حتبقى ليلة يا عمدة .. بس اللى عاوز ينزل يا ريت يشوف له مكان يبات فيه .
فى النهايه حضر أحد الضباط وقال ل "وليد بيه الدسوقى " بالمناسبة فيه واحد مجنون هنا بيصور " كنت أنا الذى أقوم بالتصوير " فقلت هو التصوير ممنوع عموما يا باشا إحنا عندنا ألبوم صور كامل لك .. يعنى مش محتاجين صور، بس هو التصوير ممنوع ولا إيه.

نشر فى صحيفة الدستور بتاريخ : 17 مايو 2006
الترجمة الانجليزية للحوار طبقا لما نشرته مدونة الشكاك
Ad-Dostour Interviews State Security Officer
May 29th, 2006
Got this translation in my e-mail inbox today. Worth reading:
Interview with a State Security OfficerEl Dostour interviews state security officer “Walid El Dessouki”
Khaled El Balshi
It never occurred to me that I shall one day interview a state security officer, whose hands are stained with torture. However, what happened last Thursday during the trial of judges, put me in one place, outside Lazoughli state security headquarters) with Walid El Dessouki, in charge of the anticommunist bureau and civil society organizations, known by the name of “butcher of the detainees” and accused of many torture cases, some of whom are people I know and have worked with like the two colleageus Ibrahim El Sahari and Wael Taufik, in addition to student Ramez Gehad, Dr. Gamal Abdel Fattah, Farid Zahran and Gamal Eid director of the Arab network of human rights information. The paradox of the matter is that this happened on the same day when our colleague Abir el Askari was kidnapped, aggressed and sexually harassed while she was covering the events of the judges, less than two weeks after she had written a news story, supported by documents, about the horrors of Walid El Dessouki, nick named by demonstrators “Mr. Bad”.
Suddenly, and after a lot of suffering and after I had passed several police barriers down town, leaving only one more to cross into the “land of the enemies in the judges’ club” I found myself face to face with the organizer and supervisor of the tearing down of the Egyptian flag and the owner of the black record in writing police investigation records against demonstrators. I had just crossed the Gaza and Rafah checkpoints, as we described the barriers that filled down town Cairo on that day. I had only to cross the “Aeres” check point supervised by Walid el Dessouki and his crew of state security men. There was no other way to enter the judges club except through where he stood and with his permission, after his men refused to let me through. When I asked him to let me through he told me that it is impossible and that he has orders from above that only judges are allowed to pass. I asked him: If I ask the help of one of the judges would you let me through? He answered: If you bring Zakaria Abdel Aziz himself (chair of the judges club) I shall not let me through. He said he was doing his job. He realizes that I was doing mine, but those were the orders.
During long hours of waiting a number of journalists who managed to cross the barriers (most of them said they worked for El Osbou to be allowed through) and myself became the entertainment which Walid El Dessouki decided to amuse himself with, like a cat playing with a trapped mouse. I decided to use the time in interviewing him.It started when Nasser Amin, director of the center for the independence of the judiciary and legal profession came out of the judges club. When he expressed his surprise regarding the police troops in front of the club, El Dessouki told him: I told the riot police leadership that we need two more police formations to start World War III.I intervened: Can I consider this a press statement.
He looked at me with a yellow smile and did not reply.
I asked him again, so he said: that is just like you, you Dostour people. You look for hot, inaccurate news. You did a profile for me last week. Everything about it was not true.
El Balshi - How come. They were all complaints against you charging you of torture. If it was not true, why did you not reply?
Dessouki - Why should I reply. I just want to tell you that you have made a very famous person out of me. You will make my seniors angry with me because I am now more famous than they are. Also the last person I arrested was Ashraf ibrahim. Ask him if I had tortured him.
El Balshi - What about Wael Taufik?
Dessouki - Who is Wael Taufik?
El Balshi - A journalist you arrested and who accused you of torturing him. And many others.
Dessouki - Look I sit in my office. If someone comes and accuses me, what do you want me to do. That is why you have to be sure of your information.
El Balshi - These are confirmed information and documented in official investigation reports and human rights releases and people see this happen every day. If it is not true, you can write a reply.
Dessouki - Why should I reply? Anyway, when you come to my office, you will see how we treat people.
El Balshi - Should I take this for a threat.
Dessouki - No man. Honor me with your visit nay time and you will see for yourself how we shall receive you.
El Balshi - What about the people who were humiliated and pulled through the streets and detained in front of my own eyes today?
Dessouki - Was anybody detained? I don’t know. I have been standing here.
El Balshi - People were arrested here in your territory. I took photos of people here while they were beaten, while they were put in the trucks, here.
Dessouki - No man. You cannot be serious. In any case we have warned political parties that demonstrations and taking to the streets is forbidden these couple of days, because of the situation in the country. Whoever will join the demonstrations will be arrested.
El Balshi - Who is “we”?
Dessouki - We.
El Balshi - And you do not know that Abir El Askari was kidnapped today and was beaten up?
Dessouki - Incredible. I swear I do not know. (He raised his mobile phone to call somebody and then put the phone back again).
El Balshi - So you mean to tell me that you have nothing to do with it and that what happened to her had nothing to do with what she wrote about you?
Dessouki - I don’t know. I was just trying to find out, but they are not replying to the phone right now. Besides you can write whatever you want.
El Balshi - Let us go back to this police mobilization. Where were you (when the bombing happened) in Dahab and Sharm El Sheikh?
Dessouki - I told you we need only two more formations to enter world war III. Despite that, we cannot stop any bombing even if we are there. They can bomb here despite all these troops. But I feel that the press wants to exaggerate things. You too, have left Dahab and what happened there and are focusing on the demonstrations. You do not talk about those who died there and you talk about the few detainees here.
El Balshi - Whoever is doing this to people here is responsible for what is happening to people there. Furthermore, it seems that you did not read well what we wrote. I even wrote an article by the title ”El Adly rules”.
Dessouki - I read every word you write. You even wrote my name four times in the last issue. Damn you, you Dostour people. Don’t you have anybody else except me. You will make my seniors angry with me and feel that I am more famous than they are.
El Balshi - In short you let terrorists and those who kill people such as Mamdouh Ismail run away and then you come here and beat demonstrators. Is this how you plan to protect the country?
Dessouki - Mamdouh Ismail is not our responsibility. We execute the orders which we receive. The man left the country officially and he was not yet accused of any charges.
El Balshi - We discovered that General Ahmed Hamadi is the same state security officer Ahmed Momtaz who arrested Ayman Noor and tortured him. I wonder is Walid El Dessouki your real name or a code name?
Dessouki - No, you will be surprised by a completely different name when I leave the service.
El Balshi - Can you let us now go to the judges club. Everything is almost over.
Dessouki - Impossible. These are orders from high up. Nobody will pass to the judges today until they tell ussomething else.
El Balshi - High up, from where? Is there anybody higher than you here?
Dessouki - From high up. Very high up.
El Balshi - At Heliopolis for example, less or more?
Dessouki – Very, very high up. I want to ask you: do you think what is happening is in the interest of the judges and has served them or has rather reduced their value and prestige in front of people?
El Balshi - Of course it has served them and everybody is sympathetic with them.
Dessouki - No. I think it degraded them and has reduced the status of a judge and people are dealing with them in an improper way.
El Balshi - It is obvious you are referring to the incident where the judge was beaten. But if you listen to what people say in public busses and microbuses, you will realize that the image of judges has improved.
Dessouki - Man. Did you see the judges riding in microbuses and going to court. I never believed I would see a judge riding a microbus or be dealt with that way.
El Balshi - It was you who closed the streets and brought those microbuses. Besides it is not important what they ride in. what matters is the cause they are defending. Also, you are standing here talking about judges while you are standing to protect rigging and corruption.
Here one of the bystanders interfered: You are corrupt and robbing the country.
Dessouki - I don’t allow you to speak like this. I have done the pilgrimage and visited the prophet’s grave twice and I obey God very much.
El Balshi - Of course. Mr. Walid does not steal. He only tortures.
Dessouki - Why don’t you talk about the Brotherhood and what they have done ion Taufikeyya today and the shops they broke.
El Balshi - What we saw was the Brotherhood being beaten, dragged through the streets and detained from Ramsis street. It was you who broke the shops and then accuse the demonstrators.
Dessouki - You see only what you want.
El Balshi - OK. What do you think of him who tears down the Egyptian flag?
Dessouki - None of my business.
El Balshi - You supervised this and we have pictures for you.
Dessouki - Really! Unbelievable!
El Balshi - Of course. You are so sure the file will be closed. I only want to know what will happen if you let people demonstrate.
Dessouki - These are orders and it is forbidden that anybody take to the streets these days
El Balshi - So this will happen again in the coming demonstrations?
Dessouki - The coming demonstrations and the ones after that. This is a new tactic because of what is happening in the country. I advise anybody who wants to demonstrate to find somewhere else other than his home to spend the night two days before.
El Balshi - Let us go back to state security. Is it true that you have files for everybody?
Dessouki - We have 70 million files. But it is not always the same. Even young children have files (laughs).
El Balshi - And the journalists?
Dessouki - We have files for all journalists. But we focus on certain people and there are others whom do not care about because they are in their own world. Not all journalists are alike. You in Dostour of course have a very special status.
El Balshi - Don’t you feel bad about the people you beat. Don’t you ever reconsider and think about joining the people?
Dessouki - That is good idea (Laughs). Why is there no “people for change”? We have journalists for change” and engineers for change”. Who is left?
El Balshi - State security officers for change! What do you think? Are you considering?
Dessouki - (Laughs). Anyway folks. Don’t forget. We shall see each other again next Thursday. And the one after that. The one after will be a day. But again I tell you whoever wants to demonstrate should look for somewhere else to stay the night.
At the end an officer came to warn him that somebody was taking photos. I asked: “Is it forbidden to take photos? Anyway we have a whole album for you. We don’t need any more. But still, is it forbidden to take photos?”

 
eXTReMe Tracker