خديجة آه مصر لأ
خديجة آه مصر لأ
وصلنى الاقتراح الأتى من الزميل أسد بعمل فرح موازى لجمال مبارك يوم 4 مايو القادم تحت عنوان
خديجة أه مصر لأ
انا اعتقد انه اقتراح رائع ما رأيكم؟
هذا نص الأقتراح
صباح الفل أيها المدونون الشرفاء :)
دلوقتي جيمي بيه ربنا فك عقدته ولحق نفسه قبل ما القطر يفوته وعامل فرحه على ديجا في شرم يوم 4 مايو اللي هو عيد ميلاد الحاج الـ79 ربنا يدينا طولة العمر ونحتفل بمئويته زي ما احتفلنا
بمئوية الأهلي
المهم الحاجة سهير اقترحت فكرة إقامة فرح موازي نقولهم فيه ربنا يسعدكوا بس بعيد عنا
تحت شعار خديجة آه مصر لأ
ونرفع صور حسني ونكتب عليها رقم 79 وكفاية عليك , وصور جيمي ونكتب مش ناقصاك
ونجيب شربات ونعلق زينة وعبقدوس يمسك المايك ويغني أغاني افراح وكدة يعني
في جو بهيج مفتكس تحفنا روح الشهيد وتظللنا تلاتين فبراير المجيدة
قلتوا إيه ؟
ربنا يتمم بخير طبعاً !
دلوقتي جيمي بيه ربنا فك عقدته ولحق نفسه قبل ما القطر يفوته وعامل فرحه على ديجا في شرم يوم 4 مايو اللي هو عيد ميلاد الحاج الـ79 ربنا يدينا طولة العمر ونحتفل بمئويته زي ما احتفلنا
بمئوية الأهلي
المهم الحاجة سهير اقترحت فكرة إقامة فرح موازي نقولهم فيه ربنا يسعدكوا بس بعيد عنا
تحت شعار خديجة آه مصر لأ
ونرفع صور حسني ونكتب عليها رقم 79 وكفاية عليك , وصور جيمي ونكتب مش ناقصاك
ونجيب شربات ونعلق زينة وعبقدوس يمسك المايك ويغني أغاني افراح وكدة يعني
في جو بهيج مفتكس تحفنا روح الشهيد وتظللنا تلاتين فبراير المجيدة
قلتوا إيه ؟
ربنا يتمم بخير طبعاً !
14 comments:
الواد أسد دا دايما أفكاره مذهلة... يلا نبدأ الحملة... مين هيجهز البانرز؟؟
أنا موافق
انا بليت الشربات
لأ فكرة جامدة بجد
موافقة طبعا وان شاء الله نجيلكوا كده فى الافراح
اعتقد ان الانزلاق للمواضيع الشخصية غير مستحب وفيه اسفاف وخلط للامور نحن لانحتاجه مظاهرة او فرح او زفة شيىء بلا معنى وبه استعداء شخصى يسقط جمال مبارك العريس بس ليلة فرحه لادخل لنا به لا نقول مبروك ولا نقول الغراب يا وقعة سودة
أنا عن نفسى مشغول فى فرح الواد جمال إبنى على خطيبته خطيبة العزبة الأولى الآنسة رودى وبصراحه إحنا شغالين بقالنا كام يوم ومحتاجين النقوط بتاعتكم
الواد أسد ربنا هايقعدله اللى بيعمله فى عياله
مش سايب الجدع يفرح وعاوز يفرحه أكتر بكلامه ده
أنا عن نفسى مستنى النقطه منكم واللى مش هاينقط الحاج اللى هو أنا هايشمطه
أنا هجهز البانرز و هنحطها فى كل المدونات من الأثنين صباحا أو بكرة أن شاء الله
المهم كلنا نبقى هناك
لحسن العمدة يشمطنا:)
آآآآآآآه طلبك صعب حالياً
ليييييه؟
لأني معزومة على فرح تاني
فرح مجيد
فرح مصر كلها
فرح .. فرح ... فرح ..فرررر
انا اتخرصت مش قادرة خلاص ياناس
والنبي بالنيابة عني تغنواله أغنية جباااااااااااار
وممكن كمان أغنية العنب على حساب الشعب كله وياريت يكون عنب مستورد وغير معدل بالهندسة الوراثية
آه ، كله إلا شباب مصر ياناس
زورونا تجدوا ما يسركم
el banners nezelt
www.kabardemaghak.blogspot.com
www.elezba.blogspot.com
http://asad.blogsome.com/
إنتوا بتتكلموا بجد ولا بتهيسوا أنا عايز أفهم
حملة و مظاهرة و بانرز
إنتوا كده بتدخلوا الشخصي في العام و العام في السياسي
ده إسمه الزيطة على الفاضي و على المليان
دي مش معارضة يا رجالة
دي معاناة من الفراغ و لا مؤاخذة.
looooooooooool el banners gamda moooooooooot
أستاذ محمود اسمحلى اختلف معك دى مش إسمها الزيطة على الفاضي و على المليان
ودى ربما زى مانت قلت مش معارضة
دى بس نوع م الهزار ليس إلا وفيها قدر من السخرية وهى وسيلة معارضة محترمة فى العالم كله لا تقدرها المعارضة المتجهمة لدينا ويشعرون بضعف الرسالة فى المعارضة الساخرة وهذا شأنهم منذ زمن
المهم يا صديقى أنا أرى أن دى مش معاناة من الفراغ
كما تحدثت بلهجة تقارب لهجة حكيم الزمان
أولا لأن السياسى اختلط فيها بالاجتماعى الخاص من أول لحظة ولم نكن نحن من قام بهذا بل ملف التوريث الآخذ فى التعاظم والذى يمنح مجرد الإيمان بوجوده قناعة بأن السيدة خديجة التى بالتأكيد لا أظن أن من الواجب اهانتها أو نقدها بأى حال ستكون سيدة أولى وهذا يجرنا لمخاوف عديدة ان تتكرر سيرة ومسيرة السيدة الأولى الحالية
ثانيا خديجة المسكينة تنتمى لعائلتى منصور والجمال وهذا الانتماء لمقربين من ابن الرئيس ورموزهما من أصفيائه وضع علاقتها بجمال فى ظلال من شبهة اختلاط البيزنس بالسياسة التى هى ظاهرة رافقت صعود الاستاذ جمال ولم نخترعها نحن وكان من آثارها وصول وزراء من رجال الأعمال للحكم وهناك دلائل على شبهات فساد واستغلال مناصب تحيط ببعضهم وهذا أيضا ليس اختراعنا
الأمر الثالث أن ما حدث فى سيناء كما علمت من بعض الأصدقاء الثقات له علاقة مباشرة بالضغوط الأمنية وسياسات التمشيط والقبض العشوائى التى صاحبت الاعلان عن عقد الزفاق فى شرم الشيخ ورفع درجة الاستعداد الشرطى فى كل سيناء أى أن الفرح أضر بكثيرين وقدم فضيحة تحدث لأول مرة ربما وهى أن تهج عائلات بكاملها لتطلب اللجوء لاسرائيل من جراء هذه الممارسات التى تراعى فقط راحة العرسان ولم تراعى راحة الشعب وهذا مؤشر سئ جدا عما سيجلبه هذا الزواج لو صار زواجا رئاسيا
رابعا يا محمود يا عزت تقارير الصحف العالمية وانت متابع لها بالتأكيد أشارت إلى أن الزيجة البهية هى شكل من أشكال إكمال صورة الوريث واستجابة لرأى عام لا يقبل أن يكون رئيسه أعزبا فى بلد دينها الاسلام وثقافتها السائدة ثقافة محافظة ولو أردت أرسل لك اللنكات فهذا ليس من اختراعى أيضا
م الآخر
الفرح حمل بدلائل سياسية منذ الاعلان عن القران العام الماضى وارتبط بملف التوريث والصعود السياسى غير المبرر لنجل الرئيس
وسوف أدلل على كلامى بصورة رأيتها أنت والكثيرين وهى ظهور خطيبة قصدى زوجة نجل الرئيس فى مؤتمر شرم الشيخ بجواره هو وأحمد أبو الغيط فى حين أن محمد كنال مثلا كان خاطبا فى هذا التوقيت ولم يحضر خطيبته ولم تجلس واحدة من زوجات أى من المسئولين المتواجدين فى هذا المؤتمر فى الصفوف الأمامية وهذا خلط بين عام وخاص لم نفعله نحن
ربما تعرف أن فى السياسة يا محمود ياعزت هناك مكانة كبرى للرموز حتى فى أكبر الديمقراطيات ويحافظ عليها ولها حساسيات وتعطى بمجرد حدوثها دلالات
الحكم مسألة حساسة ومن يقف عند أبوابها لا يفعل مثلنا ويكون على عواهنه
وهذا الظهور بشكل رئاسى لنجل الرئيس وهذه التغطية غير المبررة لوجود خطيبته فى محفل عام كهذا والنقاط التى أشرت إليها سابقا كلها تشير إلى مدى التسييس الذى وصل إليه حدث الزواج
لكنى متفق معك فى أمر وهو أن زواج جمال أمر مفرح حقا وله أن يسعد به وهو كأى مواطن شريف وحطها بين قوسين له أن يقيم أسرة ويعيش هنيئا حتى لو جاوز الرابعة والاربعين كل هذا م حقه ومجرد التدخل فى هذه الخصوصية هو من قبيل اساءة الادب حقا
لكننا رغبنا فقط فى توجيه انذار ورجاء وتحذير وحاولنا أن نعكس نبض شعور جماهيرى ملؤه الخوف تسمعه فى كل مكان
اختصرناه فى شعار الحفل
خديجة آه مصر لأ
بما يعنى اننا نقول له ولمن لم يفهم أن من حقك يا جيمى ان تتزوج إمرأة جميلة تختارها كيف شئت وليهنئكما الله ولترفرف السعادة على بيتكما لكن لكن الشرع يمنعك يا أستاذ من أن تتزوج أرملة والدك اللى هى مصر
وكما قال شاعر الشعب
افرح واتهنى
واخرج من جنه
وادخل على جنه
مش فارقة معانا فعلا والله العظيم
لكن ما يفرق هو ان يكون هذا الامر درجة فى سلم الارتقاء نحو كرسى العرش ولهذا تزعجنا دلالاتها
أرجو أن يكون الامر واضح
نحن بالمختصر لن نتظاهر ضد الزواج بل سنحتفل وسنوزع الشربات تهنئة للريس وابنه وسنقول كلمة إضافية مع التهنئة نهمس بها فى أذنه
بلاش مصر
انا أعرف واحد بتاع فراشة ممكن يأجر لنا 26 كرسي ونقعد عليهم على 6 فترات
واللى يتعب يجيب ابنه يقعد بعده ..ايه رأيكو ..ونخلى السهره صباحي
Post a Comment