الداخلية تحيى الفرح الموازى وتمنع النشطاء
وبرضه مصر لأ
تم الغاء الفرح الموازى بعد ان اصرت الداخلية على المشاركة فيه بكل تقلها .. اشى عربيات امن مركزى وفرق كاراتيه وفرق بلطجية ومدرعات وعربيات ترحيلات لزوم ترحيل المعازيم لسجن طره ..وعربيات مطافى عشان يطفوا نار الفرحة المشعلله جوانا ..فقلنا ما دام جمال مبارك مش عايزينا نشارك فى فرحه نسيب الداخلية تحيى الفرح بمزاجها وعموما الف مبروك الجواز يا جيمى ..بس اذا كنت مقبلتش اننا نشاركك فرحك فاحنا مصرين نوصلك رسالتنا و برضه بنقولك
خديجة آه .. مصرلألألألألألألألألألأ
8 comments:
مصر لأ
اممممممم
بس تفتكر ده رأي الناس كلها
صدقني المشكلة عندنا كبيرة قوي
المشكلة إن كل واحد عايش لنفسه مش للبلد
المشكلة إن في ناس كتير فيك يامحروسة مش
متخيلة إن ممكن حد تاني يحكم مصر
وكفاية إني أقولك إني اتفقعت من بياعة قعدت نص ساعة تشتم في البلد وفي الأحوال والأسعار
وبعدين بأسألها عن موضوع التوريث
قالتلي إن اللي نعرفه أحسن من اللي ما نعرفوش
آآآآآه
أنا خلاص جاني شلل من البوست اللي فات
عايزين يعملوا فيا إيه أكتر من كده
تحياتي
سؤل شيخ الأزهر عن شرعية زواج جمال بمصر فقال يجوز وهنا هبت عاصفة من الاعتراض قادها بعض المشايخ الآبقين وكانت حجتهم أه لا يجوز للمرء أن يتزوج من أرملة أبيه
مش عارف أضحك النهاردة
جميلك ومشاركتك ع الراس يا بلشى
والتدوينات أنا بادينها من منطلق إنى الحاج
بس عجبانى من المنطلق التانى
وعلى المنطلق مانا ساكت
هاعمل أربعين للفرح
وهايشوفو
دعيت عليكي يامصر ... جالك حسني يمص في دمك
دعيت عليك ياحسني ... جالك مدونون يقلقوا منامك
مواطن مصري مطحون
جواز جمال مبارك كان ممكن يتحول لمأتم كبير لو حصلت المظاهرة ..يللا خيرها فى غيرها وان شاء الله نبقى نعمل مظاهرة فى فرح ولى النعم شادى جمال مبارك
خديجة براحتك...مصر لالالالالالا
أستاذ خالد ...دوجي آه ..مصر لا ؟
ماذا تقول لو قلت لك ان زميلاتي فى المدرج كانوا يتحسروا على ان جمال هيتجوز وبيقولوا لخديجة "ان شا الله تطفحة ؟!!!!" المفاجأة الساخنة الأخرى ..لو جمال رشح نفسه بعد ابوه اول واحدة هنتخبه "..ده كلام زميلة .!!.تفتكر العيب في مين بالضبط ؟...
أنا زعلانة انى جيت الدستور بعد ماحضرتك مشيت ..عموما فرحت بمدونتك جدا يا أستاذ ..ربنا يوفقك
أستاذ خالد البلشي
أسعدني عثوري علي مدونتك الرائعة
وأتمنى ان تزورني قريبا
د. أشرف حمدي
رسام كاريكاتير
شكرا على المدونة الرائعة لقد
استمعت تماما بكل كلمة
محمد حسن
Post a Comment